Psonm 123 - Labib An Kreol SeselwaLapriyer pour Demann Pitye En kantik pelrinaz. 1 Mon lev mon lizye ver ou ki asize lo ou tronn dan lesyel. 2 Parey en serviter ki gard son lizye fikse lo lanmen son met; parey en servant ki pa kit lanmen son met; nou osi, nou lev nou regar ver SENYER nou Bondye, ziska ki i pran pitye pour nou. 3 Pran pitye pour nou, SENYER, pran pitye, akoz nou'n ganny ase maltrete. 4 Nou'n rasazye avek lensilt bann ensolan, avek lensolans ek imilyasyon bann arogan. |
Labib An Kreol Seselwa © Seychelles Bible Society, 2013.