Psonm 11 - Labib An Kreol Seselwa

Konfyans dan Senyer

Psonm David, dan repertwar direkter lakoral.

¹ SENYER i mon labri. Ki mannyer ou kapab dir mwan: Sov dan montanny parey en zwazo?

² Bann malfeter in ris zot lark; zot in plas dart lo son lakord; dan fernwanr, zot tir lo dimoun ki leker i drwat.

³ Ki en dimoun zis i kapab fer kan fondasyon lasosyete in ganny detri?

⁴ SENYER i dan son tanp sen. Lo son tronn dan lesyel, i obzerv later ek son bann zabitan.

⁵ SENYER i teste dimoun ki zis. I deteste sa enn ki kontan vyolans.

⁶ I pou fer tonm en lapli labrez sarbon ek souf lo bann malfeter. I pou soufle en divan tanpet.

⁷ SENYER i zis. I kontan bann aksyon ki zis. Dimoun ki leker i pir ava kapab regard li anfas.