Nonm 7 - Labib An Kreol Seselwa

Lofrann bann Sef

¹ Zour ki Moiz ti fini mont Latant SENYER, i ti vers delwil e konsakre tou son bann istansil; i ti osi konsakre lotel avek tou son bann istansil.

² Bann dirizan pep Izrael, bann sef sak tribi ti amenn zot lofrann. Zot ti sa bann sef tribi ki ti'n diriz resansman.

³ Zot ti anmenn zot lofrann e prezant li devan SENYER: Sis saret kouver ek 12 bef, en saret pour de dirizan e en bef pou sak dirizan. Zot ti prezant tousala devan Latant SENYER.

⁴ SENYER ti dir Moiz:

⁵ Pran sa bann lofrann ki zot in anmennen. Zot ava servi pour servis dan Latant Rankont SENYER. Donn avek bann Levit ki ava servi dapre latas ki sakenn i annan.

⁶ Moiz ti pran sa bann saret ek sa bann bef ki i ti donn avek bann Levit.

⁷ I ti donn de saret ek kat bef bann garson Gersonn, dapre sa ki zot ti bezwen pour servis.

⁸ I ti donn sa kat lezot saret ek sa wit bef avek bann garson Merari, dapre zot bezwen, pour servis anba direksyon Itamar, garson Aaron.

Lofrann pour Konsekrasyon Lotel

⁹ Bann garson Keat pa ti ganny okenn par, akoz zot travay ti zis pour transport bann lobze sakre lo zot zepol.

¹⁰ Bann sef ti prezant zot lofrann zour dedikas lotel, zour ki zot ti fer lonksyon avek delwil. Zot ti prezant zot lofrann devan lotel.

¹¹ SENYER ti dir Moiz: Bann sef devre anmenn zot lofrann sakenn son tour e sakenn son zour pour dedikas lotel:

¹² Premye zour, Nasonn, garson Aminadab sorti dan tribi Zida, ki ti anmenn son lofrann.

¹³ Sa ti en plato annarzan ki ti pez anviron 1,300 granm, en bol annarzan ki ti pez 700 granm dapre pwa sanktyer. Tou le de ti ranpli avek lafarin petri avek delwil pour lofrann;

¹⁴ en lakoup annor ki pez 100 granm, ranpli avek lansan;

¹⁵ en toro, en mouton mal adilt, en zenn mouton aze enn an pour sakrifis konplet;

¹⁶ en bouk pour sakrifis pese;

¹⁷ e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann ki Nasonn, garson Aminadab ti anmennen.

¹⁸ Dezyenm zour, Netaneel, garson Souar, sef Isakar ki ti anmenn son lofrann.

¹⁹ Sa ti en plato annarzan ki ti pez 1300 granm, en bol annarzan ki ti pez 700 granm dapre pwa sanktyer, tou le de ranpli avek lafarin petri avek delwil pour lofrann;

²⁰ en lakoup annor ki pez 100 granm, ranpli avek lansan;

²¹ en toro, en mouton mal adilt, en zenn mouton aze enn an pour sakrifis konplet;

²² en bouk pour sakrifis pese;

²³ e pour sakrifis lape, de toro, senk mouton mal adilt, senk bouk ek senk mouton enn an. Tousala ti lofrann Netaneel, garson Souar.

²⁴ Trwazyenm zour, ti tour sef tribi Zabilon, Eliab, garson Helonn.

²⁵ I ti ofer en plato annarzan ki ti pez 1300 granm, en bol annarzan ki ti pez 700 granm dapre pwa sanktyer, tou le de ranpli avek lafarin petri avek delwil pour lofrann,

²⁶ en lakoup annor ki pez 100 granm, ranpli avek lansan;

²⁷ en toro, en mouton mal adilt, en zenn mouton mal aze enn an pour sakrifis konplet;

²⁸ en bouk pour sakrifis pese;

²⁹ e pour sakrifis lape, de toro, senk mouton mal adilt, senk bouk ek senk zenn mouton mal enn an. Tousala ti lofrann Eliab, garson Helonn.

³⁰ Katriyenm zour, ti tour sef tribi Riben, Elisour, garson Sedeour.

³¹ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer; tou le de ranpli avek lafarin petri avek delwil pour lofrann;

³² en lakoup annor ki ti pez 100 granm, ranpli avek lansan;

³³ en toro, en mouton mal adilt, en mouton aze enn an pour sakrifis konplet;

³⁴ en bouk pour sakrifis pese;

³⁵ e pour sakrifis lape, de toro, senk mouton mal adilt, senk bouk ek senk zenn mouton enn an. Tousala ti lofrann Elisour, garson Sedeour.

³⁶ Senkyenm zour, ti tour tribi Simeon, Seloumiel garson Sourisadai.

³⁷ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

³⁸ en lakoup annor ki ti pez 100 granm, ranpli avek lansan,

³⁹ en toro, en mouton mal adilt, en zenn mouton aze enn an pour sakrifis konplet;

⁴⁰ en bouk pour sakrifis pese;

⁴¹ e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann Seloumiel, garson Sourisadai.

⁴² Sizyenm zour, ti tour tribi Gad, Eliasaf, garson Deouel.

⁴³ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

⁴⁴ en lakoup annor ki ti pez 100 granm, ranpli avek lansan,

⁴⁵ en toro, en mouton mal adilt, en zenn mouton aze enn an pour sakrifis konplet;

⁴⁶ en bouk pour sakrifis pese;

⁴⁷ e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann Elizaf, garson Deouel.

⁴⁸ Setyenm zour, ti tour tribi Efraim, Elisama, garson Amihoud.

⁴⁹ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa Sanktyer, tou le de ranpli avek lafarin petri avek delwil pour lofrann;

⁵⁰ en lakoup annor ki ti pez 100 granm, ranpli avek lansan;

⁵¹ en toro, en mouton mal adilt, en zenn mouton aze enn an pour sakrifis konplet;

⁵² en bouk pour sakrifis pese;

⁵³ e pou fer sakrifis lape, ti de toro, senk mouton mal adilt, senk bouk ek senk zenn mouton enn an. Tousala ti lofrann Elisama, garson Amihoud.

⁵⁴ Wityenm zour, ti tour tribi Manase, Gamalyel, garson Pedasour.

⁵⁵ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

⁵⁶ en lakoup annor ki ti pez 100 granm, ranpli avek lansan,

⁵⁷ en toro, en mouton mal adilt, en zenn mouton aze enn an pour sakrifis konplet;

⁵⁸ en bouk pour sakrifis pese;

⁵⁹ e pour sakrifis lape, ti de toro, senk mal mouton, senk bouk ek senk zenn mouton enn an. Tousala ti lofrann Gamalyel, garson Pedasour.

⁶⁰ Nevyenm zour, ti tour Zedeon, garson Abidann, sef tribi Benzamen.

⁶¹ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

⁶² en lakoup annor ki ti pez 100 granm, ranpli avek lansan,

⁶³ en toro, en mouton mal adilt, en zenn mouton aze enn an pour sakrifis konplet;

⁶⁴ en bouk pour sakrifis pese;

⁶⁵ e pour sakrifis lape, ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Zedeon, garson Abidann.

⁶⁶ Dizyenm zour, ti tour Ahiezer, garson Amisadai, sef tribi Dann.

⁶⁷ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

⁶⁸ en lakoup annor ki ti pez 100 granm, ranpli avek lansan,

⁶⁹ en toro, en mouton mal adilt, en zenn mouton mal aze enn an pour sakrifis konplet;

⁷⁰ en bouk pour sakrifis pese;

⁷¹ e pour sakrifis lape, ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Ahiezer, garson Amisadai.

⁷² Onzyenm zour, ti tour Pagiel garson Okrann, sef tribi Aser.

⁷³ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

⁷⁴ en lakoup annor ki ti pez 100 granm, ranpli avek lansan,

⁷⁵ en toro, en mouton mal adilt, en mouton aze enn an pour sakrifis konplet;

⁷⁶ en bouk pour sakrifis pese;

⁷⁷ e pour sakrifis lape ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Pagiel, garson Okrann.

⁷⁸ Douzyenm zour, ti tour Ahira garson Einann, sef tribi Neftali.

⁷⁹ Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann;

⁸⁰ en lakoup annor ki ti pez 100 granm, ranpli avek lansan;

⁸¹ en toro, en mouton mal adilt, en zenn mouton mal aze enn an pour sakrifis konplet;

⁸² en bouk pour sakrifis pese;

⁸³ e pour sakrifis lape, ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Ahira, garson Einann.

⁸⁴ Sa ti lofrann dedikas ofer lo lotel, zour i ti ganny konsakre avek delwil, sorti kot bann sef tribi dan Izrael: 12 plato annarzan, 12 bol annarzan, 12 lakoup annor,

⁸⁵ sak plato annarzan ti pez 1300 granm e sak bol ti pez 700 granm. Tou sa larzan ti pez an tou 24 kilo, dapre pwa sanktyer.

⁸⁶ Sa 12 lakoup annor plen avek lansan ti pez 100 granm sakenn; tou sa lor ti pez 1200 granm, dapre pwa sanktyer.

⁸⁷ Total bann zannimo pour sakrifis konplet: 12 toro, 12 mouton mal adilt, 12 zenn mouton mal enn an, avek sa bann lofrann vezetal; 12 bouk pour sakrifis pese.

⁸⁸ Bann gro zannimo pour sakrifis lape ti fer an tou 24 toro, 60 mouton mal adilt, 60 bouk, 60 mouton enn an. Sa ti lofrann pour dedikas lotel, apre son konsekrasyon.

⁸⁹ Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.