Nonm 2 - Labib An Kreol Seselwa

Plasman bann Tribi dan Kan

¹ SENYER ti dir avek Moiz ek Aaron:

² Bann Izraelit ava kanp par tribi, sakenn anba bannyer son fanmir. Zot ava enstal zot latant en bon distans e vir li dan direksyon Latant Rankont.

³ Tribi Zida ava kanp anba son bannyer, lo kote Les, dan direksyon soley leve avek son sef: Nasonn, garson Aminadab.

⁴ Son larme: 74,600 zonm.

⁵ Tribi Isakar ava kanp obor li avek son sef: Netaneel garson Souar.

⁶ Son larme: 54,400 zonm.

⁷ Tribi Zabilon avek son sef: Eliab, garson Helonn.

⁸ Son larme: 57,400 zonm.

⁹ Total zonm ki'n ganny resanse dan kan Zida avek son bann vwazen: An tou 186,400 zonm. Zot ava sorti premye.

¹⁰ Lo kote Sid, i vin tribi Riben avek son sef: Elisour, garson Sedeour.

¹¹ Son larme: 46,500 zonm.

¹² Obor li, i vin tribi Simeon avek son sef: Seloumiel, garson Sourisadai.

¹³ Son larme 59,300 zonm.

¹⁴ Apre, i vin tribi Gad avek son sef: Eliasaf, garson Reouel.

¹⁵ Son larme: 45,650 zonm.

¹⁶ Total zonm resanse dan kan Riben ek son bann vwazen: An tou 151,450 zonm. Zot ava sorti dezyenm.

¹⁷ Apre, bann levit ava sorti dan milye bann kanpman avek Latant Rankont; zot ava kanp dan menm lord, sakenn anba son bannyer.

¹⁸ Lo kote Was, ava vin kan Efraim anba son bannyer, avek son sef tribi: Elisama, garson Amihoud.

¹⁹ Son larme: 40,500 zonm.

²⁰ Akote li, ava vin tribi Manase avek son sef tribi: Gamalyel, garson Pedasour.

²¹ Son larme 32,200 zonm.

²² Apre, i vin tribi Benzamen avek son sef: Abidann, garson Gidoni.

²³ Son larme: 35,400 zonm.

²⁴ Total zonm resanse dan kan Efraim: 108,100 zonm. Zot ava sorti trwazyenm.

²⁵ Lo kote Nor, ava vin tribi Dann avek son sef tribi: Ahiezer, garson Amisadai.

²⁶ Son larme: 62,700 zonm.

²⁷ Tribi Aser ava kanp akote li, avek son sef tribi: Pagiel, garson Okrann.

²⁸ Son larme: 41,500 zonm.

²⁹ Apre, i vin tribi Neftali avek son sef: Ahira, garson Einann.

³⁰ Son larme: 53,400 zonm.

³¹ Total zonm resanse dan kan Dann: 157,600 zonm. Zot ava sorti dernyen, dapre lord zot bannyer.

³² Total larme Izrael resanse e kanpe fanmir par fanmir: 603,550 zonm an tou.

³³ Bann levit pa ti ganny resanse parmi bann Izraelit, dapre lord ki SENYER ti'n donn Moiz.

³⁴ Bann Izraelit ti fer parey SENYER ti'n ordonn Moiz. Zot ti kanp par group, sakenn dan son klan, dapre son fanmir.