Nehemi 3 - Labib An Kreol Seselwa

Lorganizasyon Travay

¹ Gran-Pret Eliasib, avek son bann frer pret, ti rekonstri Laport Mouton. Zot ti konsakre li e fikse bann laport, depi Tour 100, ziska Tour Hananeel.

² Bann zabitan Zeriko ti travay kotakot avek zot Akote zot ti annan Zakour, garson Imri.

³ Bann zabitan Senaa ti konstri Laport Pwason. Zot ti fer son sarpant, poz bann batan, bann verou ek bann bar.

⁴ Meremot, garson Ouri, garson Hakos ti travay akote zot; osi Mesoulanm, garson Berekya, garson ti travay reparasyon. Mesoulanm, garson Berekya, Mesezabeel, Sadok, garson Baana ti fer bann reparasyon.

⁵ Bann Tekoit ti osi fer bann travay reparasyon; me zot bann sef ti refize travay anba lotorite zot sef santye.

⁶ Yoyada, garson Pasea, Mesoulanm, garson Besodya, ti repar Vye Laport. Zot ti fer son sarpant e fikse bann batan, bann verou ek bann bar.

⁷ La non bann zouvriye ki ti travay avek zot: Melatya, en Gabaonit, Yadonn, en Meronotit, avek bann zonm sorti Gabaon ek Mispa, ki ti anba servis gouverner rezyon Was avek larivyer Efrat.

⁸ Ti osi annan Ouzyel, garson Haraya, parmi bann lorfev. Avek li ti annan Hananya, en fabrikan lesans. Zot ti repar miray Zerizalenm ziska kot Miray Larz.

⁹ Avek zot, ti annan Refaya, garson Hour, gouverner lanmwatye distrik Zerizalenm.

¹⁰ Avek zot, ti annan Yedaya, garson Haroumaf, ki ti travay anfas son lakaz; avek li, Hatous, garson Hasabneya.

¹¹ Malkiya, garson Harim ek Hasoub, garson Pahat-Moab, ti travay lo en lot seksyon miray avek Latour Fourno.

¹² Akote zot, ti annan Saloum, garson Loes, sef lanmwatye distrik Zerizalenm, ek son bann fiy.

¹³ Hanoun ek bann zabitan Zanoa, ti konstri Laport Vale. Zot ti rekonstri sa laport e poz bann batan, bann verou ek bann bar. Zot ti fer konstri 500 met miray ziska Laport Fimyen.

¹⁴ Malkiya, garson Rekab, sef distrik Bet-Kerenm, ti repar Laport Fimyen ki i ti konstri e fikse bann batan, bann verou, ek bann bar.

¹⁵ Saloum, garson Kol-Hoze, sef distrik Mispa, ti travay lo Laport Sours. I ti konstri e kouver li e poz bann batan, bann verou, ek bann bar. I ti osi fer miray basen Sela ki pre avek zarden lerwa, ziska bann mars ki desann depi lavil David.

¹⁶ Apre li, Nehemi, garson Azbouk, sef lanmwatye distrik Bet-Sour, ti travay depi kot bann tonbo David, ziska basen artifisyel ek lakaz bann gerye.

¹⁷ Apre li, bann levit ti pe fer travay reparasyon: Rehoum, garson Bani, akote li Hasabya, sef lanmwatye distrik Keila, pour son distrik.

¹⁸ Apre li, son bann frer ti pe fer travay reparasyon: Barai, garson Henadad, sef lanmwatye distrik Keila.

¹⁹ Akote li, Ezer, garson Zozye, sef Mispa, ti fer reparasyon en lot seksyon vizavi monte arsenal, dan krwaze.

²⁰ Apre li, Barouk, garson Zabai, ti repar avek bokou devouman en lot seksyon depi dan krwaze ziska laport lakaz gran-pret Eliasib.

²¹ Apre li, Meremot, garson Ouri, garson Hakos, ti travay lo reparasyon lo en lot seksyon depi lantre lakaz Eliasib, ziska dan bout son lakaz.

²² Apre li, bann pret ki ti reste dan zanviron.

²³ Apre bann pret, Benzamen ek Hasoub, ki ti travay vizavi zot lakaz. Apre zot, Azarya, garson Maaseya, garson Ananya, ti travay akote son prop lakaz.

²⁴ Apre li, Binoui, garson Henadad, ti repar en lot seksyon, depi lakaz Azarya, ziska dan krwaze.

²⁵ Palal, garson Ouzai, ti travay vizavi krwaze ek Latour ki avan pale rwayal e pre avek lakour kordgard. Apre li, Pedaya, garson Paros, avek

²⁶ bann serviter tanp ki ti reste lo kote Ofel, ti travay ziska vizavi laport Delo dan Les Latour.

²⁷ Apre zot, bann Tekoit, ti repar en lot seksyon vizavi Latour, ziska miray Ofel.

²⁸ Par lao Laport Seval, bann pret ti travay sakenn devan son lakaz.

²⁹ Apre zot, Sadok, garson Imer, ti travay devan son lakaz; apre li, Semaya, garson Sekanya, gardyen laport ki dan Les, ti fer bann reparasyon.

³⁰ Apre li, Hananya, garson Selemia, ek Hanoun, sizyenm garson Salaf, ti repar en lot seksyon miray. Apre zot, Mesoulanm, garson Berekya, ti travay vizavi kot i reste.

³¹ Apre li, Malkiya ki ti enn parmi bann lorfev, ti travay ziska kot lakaz bann serviter tanp ek bann marsan vizavi Laport Mifkad, ziska lakaz ki dan letaz dan krwaze.

³² Bann lorfev ek bann marsan, ti travay ant lasanm ki dan letaz dan krwaze, ek Laport Mouton.