Nehemi 11 - Labib An Kreol Seselwa

Bann Zwif ki ti Retourn Zerizalenm

¹ Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

² Lepep ti rekonesan anver bann ki ti ofer zot pour reste volonterman Zerizalenm.

³ La bann sef provens ki ti vin reste Zerizalenm. Dan bann lavil Zida, sakenn ti viv lo son propriyete, dan son lavil: Izrael, bann pret, bann levit, bann serviter tanp, fanmir bann serviter Salomon.

⁴ Bann desandan Zida ek bann desandan Benzamen ki ti vin enstal zot dan Zerizalenm. Parmi bann desandan Zida: Ataya, garson Ozyas, garson Zakari, garson Amaria, garson Sefatya, garson Mahalaleel, bann garson Peres;

⁵ Maaseya, garson Barouk, garson Kol-Hoze, garson Hazaya, garson Adaya, garson Yoyarib, garson Zakari, garson Siloni.

⁶ Bann garson Peres ki ti vin reste Zerizalenm: 468 zonm vayan.

⁷ Parmi bann desandan Benzamen: Salou, garson Mesoulanm, garson Yoed, garson Pedaya, garson Kolaya, garson Maaseya, garson Ityel, garson Ezai.

⁸ Apre li, Gabai ek Salai; 928 an tou.

⁹ Yoel, garson Zikri ti zot lenspekter; Zida, garson Senoua, ti dezyenm sef dan lavil.

¹⁰ Parmi bann pret: Yedaya, garson Yoyarib, Yakin,

¹¹ Seraya, garson Hilkiya, garson Mesoulanm, garson Sadok, garson Merayot, garson Ahitoub, sef tanp Bondye,

¹² ek zot bann frer ki okip travay dan tanp; 822 an tou. Adaya, garson Yerohanm, garson Pelalya, garson Anmsi, garson Zakari, garson Pasour, garson Malkiya,

¹³ ek son bann frer, bann sef fanmir; 242. Amasai, garson Azarel, garson Ahzai, garson Mesilemot, garson Imer,

¹⁴ ek zot bann frer, bann gerye vayan; 128 an tou. Zabdiel, garson Gedolim, ti zot lenspekter.

¹⁵ Parmi bann levit: Semaya, garson Hasoub, garson Azrikanm, garson Hasabya, garson Bouni,

¹⁶ Sabetai ek Yozabad, parmi bann sef levit ti responsab bann travay an deor tanp Bondye.

¹⁷ Matanya, garson Mise, garson Zabdi, garson Asaf, zot sef, ki ti sant bann louanz pandan lapriyer, ek Bakboukya, dezyenm parmi son bann frer, ek Abda, garson Samoua, garson Galal, garson Yedoutoun.

¹⁸ Total bann levit dan lavil sakre: 284.

¹⁹ Bann portye: Akoub, Talmonn, ek zot bann frer, portye; 172 an tou.

²⁰ Leres bann Izraelit, bann pret, bann levit, ti ganny etabli dan tou bann lavil Zida, sakenn dan son propriyete.

²¹ Bann serviter tanp ti enstal zot Ofel; Siha ek Gispa ti sef bann serviter tanp.

²² Lenspekter bann levit ki ti Zerizalenm, ti apel Ouzi, garson Bani, garson Hasabya, garson Matanya, garson Mise, parmi bann garson Asaf, bann santer ki ti ansarz servis dan tanp.

²³ Ti annan en lord sorti kot lerwa ki konsern zot, konsernan bann santer, lo size zot travay pour tou le zour.

²⁴ Petahya, garson Mesezabeel, bann garson Zera, garson Zida ti reprezantan lerwa pour tou bann zafer ki konsern lepep.

Popilasyon Zwif an deor Zerizalenm

²⁵ Dan bann vilaz e dan lakanpanny, bann garson Zida ti etabli zot Kiryat-Arba e dan son bann vilaz dan zalantour; Dibonn ek bann vilaz dan zalantour; Yekabseel ek bann vilaz dan zalantour;

²⁶ Yesoua, Molada ek Bet-Pelet;

²⁷ Hatsar-Soual, Berseba ek bann vilaz dan zalantour,

²⁸ Siklag, Mekona ek bann vilaz dan zalantour;

²⁹ Enn-Rimonn, Sorea, Yarmout,

³⁰ Zanoa, Adoulanm ek bann vilaz dan zalantour; Lakis e dan son zalantour, dan Azeka ek son bann vilaz dan zalantour. Zot ti enstal zot depi Berseba ziska vale Hinonm.

³¹ Bann desandan Benzamen ti etabli zot depi Geba, dan Nikmas, Aya, Betel ek son bann vilaz dan zalantour.

³² Dan Anatot, Nob, Ananya,

³³ Hasor, Rama, Gitaim,

³⁴ Hadid, Seboim, Nebalat,

³⁵ Lod ek Ono, vale bann artizan.

³⁶ Parmi bann levit, serten group dan Zida ti al zwenn avek tribi Benzamen.