Ezai 20 - Labib An Kreol Seselwa

Profet I Tir Li Touni koman En Siny

¹ Dan lannen ki Sargon, lerwa Asiri ti anvoy son komandan an sef kot Asdod, e fer lager kont sa lavil e kaptir li.

² Dan sa letan, SENYER ti koz avek Ezai, garson Amoz. I ti dir li: Tir ou lenz dey otour ou leren; tir ou sandal dan ou lipye. Ezai ti obei; i ti sorti touni e san sandal.

³ Apre sa, SENYER ti dir: Parey mon serviter Ezai ti mars pandan 3 an touni e san sandal, koman en siny e en lavertisman pour Lezip ek Letyopi,

⁴ lerwa Asiri pou pran bann Ezipsyen prizonnyen e deport bann Nibyen, zenn ek vye, san sandal, touni, zot deryer deor. Sa pou en laont pour Lezip.

⁵ Zot pou efare e dan laont, akoz zot ti'n met zot konfyans dan Letyopi, e vant zot lekor akoz Lezip.

⁶ Sa zour, bann zabitan lakot sa pei pou dir: Gete ki'n arive avek sa bann dan ki nou ti'n met nou lespwar e kot ki nou ti sove pour al rod led ek delivrans kont lerwa Asiri! E nou! Ki mannyer nou pou sape ladan?