2 Kronik 27 - Labib An Kreol Seselwa

Yotanm, Lerwa Zida

¹ Yotanm ti annan 25 an ler i ti vin lerwa. I ti rennyen pandan 16 an Zerizalenm. Son manman ti apel Yerousa, fiy Sadok.

² Son bann aksyon ti fer plezir SENYER, egzakteman parey son papa, Ozyas. Selman, i pa ti antre dan tanp SENYER. Me lepep ti kontinyen dan son bann koripsyon.

³ Yotanm ti rekonstri laport siperyer dan tanp SENYER. I ti osi fer bokou konstriksyon lo miray Ofel.

⁴ I ti konstri bann lavil dan rezyon montanny Zida, bann miray fortifye ek bann tour dan lafore.

⁵ I ti al lager kont bann Amonit e bat zot. Sa lannen, bann Amonit ti pey li en taks trwa tonn larzan, 3,000 tonn dible ek 3,000 tonn lorz. Zot ti pey sa taks osi pandan son de lannen swivan.

⁶ Yotanm ti vin tre pwisan akoz i ti kontinyen mars dapre volonte SENYER.

⁷ Lezot aksyon Yotanm, avek bann lager ek tou sa ki i'n fer, in ganny ekri dan Liv bann Lerwa Izrael ek Zida.

⁸ Yotanm ti vin lerwa laz 25 an e i ti renny dan Zerizalenm pandan 16 an.

⁹ Yotanm ti mor e i ti ganny antere avek son bann zanset dan lavil David. Son garson Akaz ti vin lerwa dan son plas.