1 Kronik 9 - Labib An Kreol Seselwa

Bann Zabitan ki Ti Sorti Annegzil

¹ Tou bann Izraelit ti ganny anrezistre e zot ti ganny ekri dan Liv bann Lerwa Izrael. Zida ti ganny deporte Babilonn akoz son enfidelite anver Bondye.

² Premye pour etabli dan zot posesyon, dan bann lavil ti bann Izraelit, bann pret, bann levit ek bann serviter tanp.

³ Serten bann desandan Zida, Benzamen, Efraim ek Manase ti al reste Zerizalenm:

⁴ Outai, garson Amihoud, garson Omri, garson Imri, garson Bani parmi bann garson Perez, garson Zida.

⁵ Bann Silonit: Asaya, son premye ne ek lezot son bann zanfan.

⁶ Parmi bann garson Zera: Yeouel ek son bann frer; 690 an tou.

⁷ Parmi bann garson Benzamen: Salou, garson Mesoulanm, garson Hodavya, garson Senoua,

⁸ Yibneya, garson Yerohanm. La bann garson Ouzi, garson Mikri ek Mesoulanm, garson Sefatya, garson Reouel, garson Yibniya,

⁹ ek son bann frer dapre zot fanmir; 956 an tou. Zot tou, zot ti bann sef fanmir dapre zot bann desandan.

¹⁰ Parmi bann pret: Yedaya, Yehoyarib, Yakin;

¹¹ Azarya, garson Hilkiya, garson Mesoulanm, garson Sadok, garson Merayot, garson Ahitoub, sef tanp Bondye;

¹² Adaya, garson Yerohanm, garson Pasour, garson Malkiya ek Masai, garson Adyel, garson Yazera, garson Mesoulanm, garson Mesilemit, garson Imer,

¹³ san kont zot fanmir, bann sef fanmir; 1,760 zonm enportan dan servis tanp.

¹⁴ Parmi bann levit: Semaya, garson Hasoub, garson Azrikanm, garson Hasabya, garson Merari;

¹⁵ Bakbakar, Heres, Galal ek Matanya, garson Mise, garson Zikri, garson Asaf.

¹⁶ Abdyas, garson Semaya, garson Galal, garson Yedoutoun; Berekya, garson Asa, garson Elkana ki ti reste dan bann vilaz Netofatit.

¹⁷ Bann portye: Saloum, Akoub, Talmonn, Ahimann ek zot bann frer. Saloum ti sef

¹⁸ ki'n ganny plase ziska prezan kot laport Lerwa dan Les. Sa ti bann portye pour kan bann levit.

¹⁹ Saloum, garson Kore, garson Ebiasaf, garson Kore ek lezot manm lafanmir ti ganny etabli gardyen laport lantre, parey zot papa ti gardyen laport lantre kan pep SENYER.

²⁰ Fineas, garson Eleazar ti zot sef dan lepase; SENYER ti avek li.

²¹ Zakari, garson Meselemia ti gardyen laport antre Latant Rankont.

²² Tou sa bann ki ti ganny swazir koman gardyen laport; 212 an tou. Zot ti ganny anrezistre dan resansman dapre zot vilaz. David ek profet Samyel ki ti etabli zot dan zot responsabilite.

²³ Alor, avek zot bann garson, zot ti annan responsabilite koman portye tanp SENYER, setadir gardyen Latant.

²⁴ Bann portye ti lo tou le kat kote, Les, Was, Nor ek Sid;

²⁵ bann manm zot fanmir ki ti dan zot vilaz ti oblize tanzantan vin avek zot, pandan set zour.

²⁶ Akoz sa kat sef portye ti bann levit, ki ti responsab osi sirveyans bann lasanm trezor tanp Bondye.

²⁷ Zot ti reste lanmenm dan zanviron tanp, akoz zot ti annan responsabilite sirveyans e osi pour ouver tou le bomaten.

²⁸ Serten parmi zot ti annan responsabilite pour kont bann lobze ki servi dan ladorasyon, sa ki antre e sa ki sorti.

²⁹ Serten lezot ti okip bann meb ek lobze sakre, ensi ki lafarin, diven, delwil, lansan ek bann parfen.

³⁰ Bann garson bann pret ki ti responsab pour melanz bann parfen.

³¹ En levit, Matitia, lene Saloum, dan lafanmir Kore, ti responsab pour fer galet.

³² Serten lezot levit dan lafanmir Kehat ti responsab pour fer dipen pour lofrann, ki zot ti prepare sak saba.

³³ Sa ti bann sef fanmir levit responsab pour sante e ki ti reste dan bann lasal dan tanp; zot ti napa okenn lezot fonksyon, akoz zot ti dan servis, lizour koman aswar.

³⁴ Sa ti bann sef fanmir levit, dapre zot desandans; zot ti reste Zerizalenm.

Lafanmir Lerwa Sail

³⁵ Yeyel, papa Gabaon, ti reste dan lavil Gabaon, son fanm ti apel Maaka.

³⁶ Apre Abdonn, son premye garson, i ti ganny Sour, Kis, Baal, Ner, Nadab,

³⁷ Gedor, Ahiyo, Zakari ek Miklot;

³⁸ Miklot ti papa, Simeanm; zot tou, zot ti reste pre avek zot bann fanmir; zot ti reste Zerizalenm avek lezot manm lafanmir.

³⁹ Ner ti papa Kis; Kis ti papa Sail, e Sail ti papa Zonatan, Malki-Soua, Abinadab ek Es-Baal;

⁴⁰ garson Zonatan ti apel Meri-Baal; Meri-Baal ti papa Mise.

⁴¹ Bann garson Mise: Pitonn, Melek, Tarea.

⁴² Akaz ti papa Yara; Yara ti papa Alemet, Azmabet ek Zimri; Zimri ti papa Mosa.

⁴³ Mosa ti papa Binea; Binea ti papa Refaya, Refaya ti papa Eleasa, e Eleasa ti papa Atsel.

⁴⁴ Atsel ti annan sis garson; zot ti apel: Azrikanm, Bokrou, Ismael, Searya, Abdyas ek Hanann; sa ti bann garson Atsel.