1 Kronik 7 - Labib An Kreol Seselwa

Desandans Isakar

¹ Bann garson Isakar: Tola, Poua, Yasoub ek Simronn; kat garson an tou.

² Bann garson Tola: Ouzi, Refaya, Yeriel, Yamai, Yibsanm ek Samyel, ki ti bann sef dan fanmir Tola, bann gerye brav dan zot zenerasyon, dan lepok David; ti annan 22,600 an tou.

³ Garson Ouzi: Yizraya; bann garson Yizraya: Mikael, Abdyas, Zoel ek Yisiya; senk sef an tou;

⁴ ansanm avek zot, dapre zenerasyon e dapre zot fanmir, ti annan 36,000 zonm arme pour lager, akoz zot ti annan bokou fanm ek zanfan.

⁵ Zot bann frer, dapre bann fanmir Isakar, ti annan an tou 87,000 brav gerye, dapre resansman.

Desandans Benzamen ek Dann

⁶ Bann garson Benzamen: Bela, Beker ek Yediael, trwa an tou.

⁷ Garson Bela: Esbonn, Ouzi, Ouzyel, Yeremot ek Iri; senk sef fanmir bann brav gerye anrezistre dapre resansman, 22,034 an tou.

⁸ Bann garson Beker: Zemira, Yoas, Eliezer, Eliohenai, Omri, Yeremot, Abiya, Anatot ek Alemet; tousala ti bann garson Beker.

⁹ Zot ti anrezistre dapre resansman, dapre zot desandans, koman sef zot fanmir; ti annan 20,200 brav gerye an tou.

¹⁰ Garson Yediael: Bilhann. Bann garson Bilhann: Yeous, Benzamen, Ehoud, Kenaana, Zetann, Tarsis ek Ahisahar.

¹¹ Zot tou, zot ti bann garson Yediael, bann sef fanmir: 17,200 brav gerye an tou, ki kapab al lager.

¹² Soupim ek Houpim garson Ir; Housim, garson Aher.

Desandans Neftali

¹³ Bann garson Neftali: Yatsyel, Gouni, Yezer, Saloum, garson Bilha.

Desandans Manase

¹⁴ Bann garson Manase: Asriel ki i ti gannyen avek son menazer Siriyen. I ti ganny Makir, papa Galaad.

¹⁵ Makir ti swazir en fanm pour Houpim ek Soupim. I ti annan en ser ki ti apel Maaka. Son dezyenm garson ti apel Zelofad. Zelofad ti annan zis fiy.

¹⁶ Maaka, fanm Makir ti ganny en garson ki ti apel Peres; son frer ti apel Sares e bann garson Sares, ti apel Oulanm ek Rekenm.

¹⁷ Garson Oulanm: Bedann. Sa ti bann garson Galaad, garson Makir, garson Manase.

¹⁸ Son ser, Hamoleket ti ganny Isod, Abiezer ek Mala.

¹⁹ Bann garson Semida ti apel Ahiann, Sikenm, Likwi ek Anianm.

Desandans Efraim

²⁰ Bann garson Efraim: Soutela, Bered, son garson, Tahat, son garson, Eleada, son garson, Tahat, son garson,

²¹ Zabad, son garson, Soutela, son garson, ek Ezer ek Elead. Bann zonm Gat ki ti ne dan sa pei, ti touy zot akoz zot ti'n desann pour pran zot troupo zannimo.

²² Efraim zot papa ti plere pandan lontan, e son bann frer ti vin konsol li.

²³ Efraim ti al kot son fanm e i ti ganny en garson ki i ti apel Beria, akoz maler dan son fanmir.

²⁴ Son fiy, Seera ti konstri Bet-Horonn leba, Bet-Horonn leo ek Ouzenn-Seera.

²⁵ Refa ti garson Beria; Resef ti garson Refa; Tela, ti garson Resef, Tahann ti garson Tela;

²⁶ Ladann, son garson, Amihoud, son garson, Elisama, son garson,

²⁷ Nonn, son garson, Zozye, son garson.

²⁸ Zot propriyete ek zot abitasyon ti Betel ek son bann vilaz e lo kote les Naarann, dan Was Gezer ek son bann vilaz, Sikenm ek son bann vilaz, ziska Aya ek son bann vilaz.

²⁹ Bann garson Manase ti posed Bet-Seann ek son bann vilaz alantour, Taanak ek son bann vilaz, Megido ek son bann vilaz, Dor ek son bann vilaz. Bann garson Zozef, garson Izrael ti reste dan sa bann lavil.

Desandans Azer

³⁰ Bann garson Azer: Yimna, Yisva, Yisve, Beria, ek zot ser Sera.

³¹ Bann garson Beria: Heber ek Malkiel ki ti papa Birzait.

³² Heber ti papa Yaflet, Somer, Hotanm ek zot ser Soua.

³³ Bann garson Yaflet: Pasak, Bimal ek Asvat. Sa ti bann garson Yaflet.

³⁴ Bann garson Semer, son frer: Ahi, Roga, Houba ek Aranm.

³⁵ Bann garson Helenm, son frer: Sofa, Yimna, Seles, ek Amal.

³⁶ Bann garson Sofa: Soua, Harnefer, Soual, Beri, Yimra,

³⁷ Beser, Hod, Sama, Silsa, Yitrann, ek Beera.

³⁸ Bann garson Yeter: Yefoune, Pispa ek Ara.

³⁹ Bann garson Oula: Ara, Hanyel ek Ritsya.

⁴⁰ Zot tou, zot ti bann desandan Aser, sef bann fanmir bann brav gerye e sef bann sef. Zot ti ganny anrezistre dan resansman pour lager; an tou 26,000 zonm.