1 Kronik 4 - Labib An Kreol Seselwa

Desandans Zida

¹ Bann garson Zida: Peres, Hesronn, Karmi, Hour ek Sobal.

² Reaya garson Sobal, ti papa Yahat e Yahat ti papa Ahoumai ek Lahad. Sa ti bann zanset bann Zoratit.

³ La bann garson Etanm: Zizreel, Yisma ek Yidbas; zot ser ti apel Haselponi.

⁴ Penouel ti papa Gedor, e Ezer ti papa Housa. Sa ti bann garson Hour, lene garson Efrata, papa Betlehenm.

⁵ Asour, papa Tekoa ti annan de fanm, Helea ek Naara;

⁶ Naara ti ganny Ahouzanm, Hefer, Temeni ek Ahastari. Sa ti bann garson Naara.

⁷ Bann garson Helea: Seret, Sohar ek Etnan.

⁸ Kos ti papa Anoub ek Hatsobeba desandan Aharel, garson Haroum.

⁹ Yabes ti ganny pli byen konsidere ki son bann frer; e son manman ti apel li Yabes, dizan: Akoz mon ti soufer bokou.

¹⁰ Yabes ti priy Bondye Izrael: Si ou vreman akord mwan ou benediksyon, ou ava agrandi mon teritwar; ou lanmen ava avek mwan; maler ek soufrans ava reste lwen avek mwan! Bondye ti akord Yabes tou sa ki i ti demande.

¹¹ Keloub, frer Souha ti ganny Mehir ki ti papa Estonn.

¹² Estonn ti papa Betrafa, Pasea ek Tehina ki ti papa lavil Nahas. Sa ti bann desandan Reka.

¹³ Bann garson Kenaz: Otniel ek Seraya; bann garson Otniel: Hatat ek Meonotai.

¹⁴ Meonotai ti papa Ofra; Seraya ti papa Zoab, papa bann artizan.

¹⁵ Bann garson Kaleb, garson Yefoune: Irou, Ela ek Naanm; garson Ela: Kenaz.

¹⁶ Bann garson Yehaleleel: Zif, Zifa, Tirya ek Azarel.

¹⁷ Bann garson Esdras: Yeter, Mered, Efer ek Yalonn. Sa ti bann garson Bitia, fiy Faraon, fanm Mered, ki ti annan osi Mirianm, Samai ek Yisba, papa Estemoa.

¹⁸ Mered ti osi annan en fanm sorti dan tribi Zida; i ti ganny Yered, papa Gedor, Heber, papa Soko ek Yekoutyel, papa Zanoa. Sa ti bann garson Bitia, fiy Faraon, ki ti fanm Mered.

¹⁹ Bann garson fanm Hodiya ser Nahanm ti papa Keila, en Garmit ek Estemoa, en Maakatit.

²⁰ Bann garson Simonn: Amnon, Rina, Ben-Hanann, ek Tilonn. Bann garson Yisei: Zohet ek Benn-Zohet.

²¹ Bann garson Sela, garson Zida: Er, papa Leka, Lada, Maresa ek desandans bann ki travay latwal dan Bet-Asbea.

²² Yokim ek bann zonm Kozeba, Zoas ek Saraf ki ti marye avek bann fanm Moabit e ti retourn Betlehenm. Tousala i bann keksoz ansyen.

²³ Zot ti bann potye, bann zabitan Netaim ek Gedera; zot ti reste pre avek lerwa e zot ti travay pour li.

Desandans Simeon

²⁴ Bann garson Simeon: Nemouel, Yamin, Yarib, Zera, Sail.

²⁵ Saloum son garson, Mibsanm son garson ek Misma son garson.

²⁶ Bann garson Misma: Hamouel son garson, Zakour son garson ek Simei son garson.

²⁷ Simei ti annan 16 garson ek sis fiy, me son bann frer pa ti ganny bokou zanfan, ni zot fanmir pa ti gran parey bann fanmir dan Zida.

²⁸ Zot ti reste Berseba, Molada, Hatsar-Soual,

²⁹ Bilha, Esenm, Tolad,

³⁰ Betouel, Horma, Siklag,

³¹ Bet-Markabot, Hatsar-Sousim, Bet-Biri ek Saaraim. Sa ti zot bann lavil ziska lepok ki David ti lerwa.

³² Zot bann vilaz: Etanm, Ain, Rimonn, Token ek Asann; senk lavil an tou.

³³ Ti osi annan tou bann vilaz ki ti otour sa bann lavil ziska Baal. Zot ti etabli zot la; zot non ti lo zot prop lalis fanmir.

³⁴ Mesobab, Yanmlek, Yosa, garson Amasya,

³⁵ Zoel, Yehou, garson Yosibya, garson Seraya, garson Asiyel,

³⁶ Eliohenai, Yakoba, Yesohaya, Asaya, Adyel, Yesimyel, Benaya,

³⁷ Ziza, garson Sifei, garson Alonn, garson Yedaya, garson Simri, garson Semaya.

³⁸ Tou sa bann ki fek ganny nonmen, ti bann sef tribi e zot fanmir, ti ogmant en kantite.

³⁹ Zot ti al dan lantre Gedor ziska dan Les vale pour al rod manze pour zot zannimo.

⁴⁰ Zot ti trouv en kantite bon zerb e pei ti gran, trankil. Bann ansyen zabitan sa rezyon ti bann desandan Kanm.

⁴¹ Zot ti ganny anrezistre par non depi letan Ezekyas, lerwa Zida, e zot ti detri bann latant ek zot bann landrwa kasyet; zot detri tou bann zabitan; pa reste personn ziska ozordi. Zot ti reste la akoz ti annan zerb pour zot troupo.

⁴² Serten parmi desandan Simeon, 500 zonm an tou, ti mont lo montanny Seir avek Pelatya, Nearya, Refaya, ek Ouzyel, garson Yisei, koman zot sef.

⁴³ Zot ti detri leres bann Amalesit ki ti'n sove; zot reste la, ziska ozordi.