1 Kronik 27 - Labib An Kreol Seselwa

Lorganizasyon Sivil e Militer

¹ La bann Izraelit dapre bann sef fanmir, sef 1,000, sef 100 ek zot bann zofisye, ki ti pe servi lerwa dan tou sa ki konsern bann divizyon, zot mouvman, mwan par mwan pandan lannen: 24,000 zonm par divizyon.

² Pour premye mwan: Yasobeanm, garson Zabdiel ti ansarz premye divizyon; 24,000 zonm an tou.

³ I ti enn parmi bann garson Peres e sef tou bann komandan larme pour sa premye mwan.

⁴ Pour dezyenm mwan: Dodai, en Ahohit ti ansarz sa divizyon; Miklot ti sef zofisye sa divizyon; 24,000 zonm an tou.

⁵ Pour trwazyenm mwan: Benaya, garson pret Yoyada, ti ansarz sa divizyon; 24,000 zonm an tou.

⁶ Li menm Benaya dan sa group 30 zonm elit ki ti sef sa group 30; son garson Amizabad ki ti fer parti sa divizyon.

⁷ Pour katriyenm mwan: Asael, frer Zoab ti ansarz; son garson Zebadya ti vin apre li; 24,000 zonm an tou.

⁸ Pour senkyenm mwan: Samehout, en Yizrahit, ti ansarz son divizyon; 24,000 zonm an tou.

⁹ Pour sizyenm mwan: Ira, garson Ikes, en Tekoit, ti ansarz son divizyon; 24,000 zonm an tou.

¹⁰ Pour setyenm mwan: Heles, en Pelonit, sorti dan tribi Efraim, ti ansarz son divizyon; 24,000 zonm an tou.

¹¹ Pour wityenm mwan: Sibekai, en Housatit, desandan Zerait ti ansarz; 24,000 zonm dan son divizyon.

¹² Pour nevyenm mwan: Abiezer, en Anatotit, sorti dan tribi Benzamen ti ansarz; ti annan 24,000 zonm dan son divizyon.

¹³ Pour dizyenm mwan: Maharai, en Netofatit, desandan bann Zerait, ti ansarz; 24,000 zonm dan son divizyon.

¹⁴ Pour onzyenm mwan: Benaya, en Piratonit, sorti dan tribi Efraim ti ansarz; 24,000 zonm dan son divizyon.

¹⁵ Pour douzyenm mwan: Heldai, en Netofatit, sorti dan klan Otniel, ti ansarz; 24,000 zonm dan son divizyon.

Administrasyon bann Tribi Izrael

¹⁶ La non bann sef par tribi Izrael: Pour Riben: Eliezer, garson Zikri; pour Simeon: Sefatya, garson Maaka;

¹⁷ pour Levi: Hasabya, garson Kemouel; pour Aaron: Sadok;

¹⁸ pour Zida: Elihou, enn bann frer David; pour Isakar: Omri, garson Mikael;

¹⁹ pour Zabilon: Yismaya, garson Abdyas; pour Neftali: Yeremot, garson Azriel;

²⁰ pour bann desandan Efraim: Oze, garson Azazya; pour demi tribi Manase: Zoel, garson Pedaya;

²¹ Pour demi tribi Manase sorti Galaad: Yido, garson Zakari; pour Benzamen: Yaazyel, garson Abner;

²² pour Dann: Azarel, garson Yerohanm. Sa ti bann sef dan bann tribi Izrael.

²³ David pa ti fer kont dimoun ki ti anba laz 20 an, akoz SENYER ti'n promet pour li fer Izrael vin nonbre parey bann zetwal dan lesyel.

²⁴ Zoab, garson Serouya, ti konmans kont zot, me i pa ti kapab fini; akoz sa, lakoler Bondye ti tonm lo Izrael. Rezilta pa ti ganny raporte dan bann liv Listwar Lerwa David.

Lezot Zofisye Sivil

²⁵ Azmabet, garson Adyel, ti ansarz trezor lerwa. Zonatan, garson Ozyas, ti ansarz bann trezor dan bann lavil, bann vilaz e dan bann tour.

²⁶ Ezri, garson Keloub, ti ansarz bann zouvriye ki travay dan lakanpanny e ki travay later.

²⁷ Simea, en Ramatit, ti vey lo bann rezyon kot i plant rezen e bann rezerv diven.

²⁸ Baal-Hanann, en Gederit, ti ansarz bann plantasyon zoliv ek sikomor dan leba pei. Zoas ti ansarz bann rezerv delwil.

²⁹ Sitrai, en Saronit, ti vey lo bann troupo ki ti broute dan laplenn obor lakot. Safat, garson Adlai, ti vey lo bann troupo ki ti dan vale.

³⁰ Obil, en Ismaelit, ti vey troupo samo. Yedaya, en Meronotit, ti vey bann bourik. Yaziz, en Agrit, ti vey mouton.

³¹ Tou sa bann dimoun ti responsab bann propriyete lerwa David.

Konseye Prive Lerwa David

³² Zonatan, tonton David, ti son konseye. I ti en zonm entelizan e en skrib. Yehiel, garson Hakmoni ti okip bann zanfan lerwa.

³³ Ahitofel ti konseye lerwa; Housai, en Arkit, ti en zanmi lerwa.

³⁴ Apre Ahitofel, ti annan Zoyada, garson Benaya ek Abiatar; Zoab ti sef larme lerwa.