1 Kronik 26 - Labib An Kreol Seselwa

Bann Gardyen Tanp

¹ Pour group bann portye, parmi fanmir Kore: Meselemia, garson Kore, parmi bann zanfan Asaf.

² Meselemia ti annan plizyer garson: Premye Zakari; dezyenm Yediael; trwazyenm Zebadya; katriyenm Yatniel;

³ senkyenm Elanm; sizyenm Yohanann, setyenm Elyohenai.

⁴ Obed-Edonm ti annan plizyer garson: Premye Semaya; dezyenm Yozabad; trwazyenm Yoa; katriyenm Sakar; senkyenm Netaneel;

⁵ sizyenm Amyel; setyenm Isakar; wityenm Peoultai; Bondye ti'n beni Obed-Edonm.

⁶ Semaya, ti ganny bann garson ki ti okip bann plas enportan dan zot fanmir. Zot ti bann vayan gerye

⁷ Bann garson Semaya: Otni, Refael, Obed, ek Elzabad, ansanm avek Eli ou ek Semakya, son bann frer, bann vayan gerye.

⁸ Zot tou, zot ti bann desandan Obed-Edonm avek zot bann garson ek lezot fanmir, tou bann zonm vayan e kapab dan servis; 62 an tou dan fanmir Obed-Edonm.

⁹ Meselemia, ti annan bann garson ek bann frer; an tou 18 zonm vayan.

¹⁰ Hosa, dan fanmir Merari, ti annan plizyer garson: Premye Simri, menm si i pa ti premye garson, son papa ti etabli li sef.

¹¹ Dezyenm Hilkiya; trwazyenm Tebalia; katriyenm Zakari. Zot tou ti bann garson ek bann frer Hosa; 13 an tou.

¹² Bann sef portye ek zot bann frer, ansanm ti ranpli zot fonksyon dan servis tanp SENYER.

¹³ Zot ti tir osor par fanmir pour partaz responsabilite laport an parti egal, vye koman zenn.

¹⁴ Laport Les ti tonm pour Selemia. Zot ti tir osor osi pour son garson Zakari, en konseye malen, e Laport ti tonm pour li.

¹⁵ Obed-Edonm ti ganny laport Sid; son bann garson ti ganny responsabilite bann magazen.

¹⁶ Soupim ek Hosa, ti ganny kote Was avek laport Saleket lo semen ki monte. La ki mannyer bann group gard ti ganny partaze:

¹⁷ Lo kote Les, ti annan sis sak zour. Lo kote Nor, kat sak zour; lo kote Sid, kat sak zour, tandis ki kot magazen, ti annan de group kat.

¹⁸ Pour bann batiman akote, lo kote Was, ti annan kat kot semen e de akote batiman.

¹⁹ Sa ti bann group portye pour lafanmir Kore e pour bann garson Merari.

Travay dan Tanp

²⁰ En levit, Ahiya, ti ansarz trezor tanp ek bann lobze sakre dan tanp Bondye.

²¹ Pour bann garson Ladann, bann fanmir Gersonn, sef sak fanmir ti annan bann Yehielit,

²² avek garson Zetann ek son frer Zoel, ti ansarz trezor tanp SENYER.

²³ Pour fanmir Anmranm, Isar, Hebron ek Ouzyel;

²⁴ ti annan Sebouel, en desandan Gersonn, li menm garson Moiz ki ti sef bann ki ti responsab trezor.

²⁵ Son fanmir ti bann desandan Eliezer: Rehabia, son garson; Ezai, son garson; Yoranm, Zekri ek Selomit.

²⁶ Selomit ek son bann frer ti ansarz tou bann trezor sakre, bann lobze konsakre pour Bondye, par lerwa David, par bann sef fanmir, par bann sef mil, bann sef san ek tou bann sef larme.

²⁷ Sa bann zonm ti'n konsakre pour Bondye en par dan bann keksoz ki zot ti'n sezi dan piyaz lager, pour antretenir tanp SENYER.

²⁸ Tou sa ki profet Samyel, Sail, garson Kis, Abner, garson Ner e Zoab, garson Serouya ti'n konsakre pour Bondye, ti osi la anba responsabilite Selomit ek son bann frer.

²⁹ Kenania ek son bann garson dan fanmir Isar, ti okip bann zafer sivil Izrael, koman bann administrater e ziz.

³⁰ Hasabya ek 1,700 zonm vayan dan fanmir Hebron, ti vey lo tou bann teritwar Izrael ki ti lo kote Was larivyer Zourden. Zot ti annan responsabilite tou bann zafer relizye e sivil.

³¹ Yeriya ti sef fanmir Hebron. Pandan katriyenm lannen renny lerwa David, resers lo sa fanmir, ti montre ki dan Yazer, ek Galaad, ti annan bann zonm vayan dan sa fanmir.

³² Sa bann zonm ti bann sef fanmir, bann zonm vayan; 2,700 an tou. Lerwa David ti swazir Yeriya pour ansarz bann zafer relizye e sivil dan bann rezyon kot tribi Riben, Gad ek demi tribi Manase ti pe reste.