1 Kronik 25 - Labib An Kreol Seselwa

Bann Santer

¹ David, ansanm avek son bann sef larme, ti met apar parmi bann garson Asaf, Hemann ek Yedoutoun. Zot ti sant avek lakonpannyman lir, laarp ek senbal. La lalis bann zonm ki ti ranpli sa bann fonksyon:

² Parmi bann garson Asaf: Zakour, Zozef, Netanya ek Asareela, ki ti ganny dirize par zot papa Asaf pandan ki Asaf ti profetize anba direksyon lerwa.

³ Parmi bann garson Yedoutoun: Gedalya, Seri, Ezai, Simei, Hasabya ek Matitia; sis an tou ki ti ganny dirize par zot papa ki ti sante avek lakonpannyman lir pour loue e glorifye SENYER.

⁴ Parmi bann garson Hemann: Boukia, Matanya, Ouzyel, Sebouel, Yeremot, Hananya, Hanani, Eliata, Gidalti, Romameti-Ezer Yosbekasa, Maloti, Hotir ek Mahaziot.

⁵ Zot tou, bann garson Hemann ki ti anons lerwa lavenir dapre promes Bondye pour loue li. Bondye ti'n donn Hemann 14 garson ek trwa fiy.

⁶ Zot tou, zot ti sant dan tanp SENYER, dirize par zot papa, avek lakonpannyman senbal, laarp ek lir, pour servis dan tanp Bondye. Asaf, Yedoutoun ek Hemann ti anba direksyon lerwa.

⁷ Sa bann santer ek manm zot group, 288 zot an tou, ti annan leksperyans ek bon formasyon pour loue SENYER par zot sante.

⁸ Zot ti tir osor pour determin lord servis, san fer diferans ant zenn ek vye ni santer eksperyanse avek novis.

⁹ Premye bi pour fanmir Asaf, ti tonm lo Zozef; dezyenm lo Gedalya, son bann frer ek son bann garson; 12 an tou;

¹⁰ trwazyenm ti tonm lo Zakour, son bann garson ek zot fanmir; 12 an tou;

¹¹ katriyenm, Yitseri, son bann garson ek bann fanmir; 12 an tou;

¹² senkyenm, Netanya son bann garson, ek zot fanmir; 12 an tou;

¹³ sizyenm, Boukia son bann garson ek bann fanmir; 12 an tou;

¹⁴ setyenm, Yesareela son bann garson ek son fanmir; 12 an tou;

¹⁵ wityenm, Ezai son bann garson ek son fanmir; 12 an tou;

¹⁶ nevyenm, Matanya son bann garson ek son fanmir; 12 an tou;

¹⁷ dizyenm, simei son bann garson ek son fanmir; 12 an tou;

¹⁸ onzyenm, Azarel son bann garson ek son fanmir; 12 an tou;

¹⁹ douzyenm, Hasabya son bann garson ek son fanmir, 12 an tou;

²⁰ trezyenm, Soubael son bann garson ek son fanmir; 12 an tou,

²¹ katorzyenm, Matitia son bann garson ek son fanmir, 12 an tou;

²² kenzyenm, Yeremot son bann garson ek son fanmir; 12 an tou;

²³ sezyenm, Hananya son bann garson ek son fanmir; 12 an tou;

²⁴ disetyenm, Yosbekasa son bann garson ek son fanmir; 12 an tou;

²⁵ dizwityenm, Hanani son bann garson ek son fanmir; 12 an tou;

²⁶ diznevyenm, Maloti son bann garson ek son fanmir; 12 an tou;

²⁷ ventyenm, Eliyata son bann garson ek son fanmir; 12 an tou;

²⁸ venteenyenm, Hotir, son bann garson ek son fanmir; 12 an tou;

²⁹ venndezyenm, Gidalti, son bann garson ek son fanmir; 12 an tou;

³⁰ venntrwazyenm, Mahaziot, son bann garson ek son fanmir; 12 an tou;

³¹ vennkatriyenm, Romameti-Ezer, son bann garson ek son fanmir; 12 an tou.