1 Kronik 24 - Labib An Kreol Seselwa

Responsabilite bann Pret

¹ La bann group desandan Aaron: Bann garson Aaron: Nadab, Abi ou, Eleazar ek Itamar.

² Me Nadab ek Abihou ti mor avan zot papa e zot ti napa garson; alor, Eleazar ek Itamar ti vin pret.

³ Plitar, avek led Sadok, en desandan Eleazar e par Ahimelek en desandan Itamar, David ti organiz zot an group, dapre responsabilite dan zot servis.

⁴ Zot ti remarke ki i annan plis sef parmi bann desandan Eleazar ki parmi bann desandan Itamar. Pour sa rezon, zot ti regroup bann desandan Eleazar dan 16 group fanmir e desandan Itamar dan wit group, sakenn avek son prop sef.

⁵ Zot ti tir osor pour separ zot an group: Bann sef konsakre pour sanktyer, e bann sef konsakre pour Bondye ki ti sorti dan desandans Eleazar e dan desandans Itamar.

⁶ Sekreter Semaya, garson Netaneel, en Levit, ti ekri bann non dan prezans lerwa, bann sef, pret Sadok, Ahimelek, garson Abiatar, ek bann sef fanmir bann pret ek bann levit. En sef fanmir ti ganny swazir pour Eleazar ek enn pour Itamar.

⁷ Premye sor ti tonm lo Yehoyarib; dezyenm ti tonm lo Yedaya;

⁸ trwazyenm lo Harim; katriyenm lo Seorim;

⁹ senkyenm lo Malkiya; sizyenm lo Miyamin;

¹⁰ Setyenm lo Hakos; wityenm lo Abiya;

¹¹ Nevyenm lo Zozye; dizyenm lo Sekanya;

¹² onzyenm lo Eliasib; douzyenm lo Yakim;

¹³ trezyenm lo Houpa; katorzyenm lo Yesebeab;

¹⁴ kenzyenm lo Bilga; sezyenm lo Imer;

¹⁵ disetyenm lo Hezir; dizwityenm lo Hapises;

¹⁶ diznevyenm lo Pelatya; ventyenm lo Ezekyel;

¹⁷ venteenyenm lo Yakin; venndezyenm lo Gamoul;

¹⁸ venntrwazyenm lo Delaya; vennkatriyenm lo Maazya.

¹⁹ Sa bann group, dan sa lord servis tanp SENYER, ti ranpli zot fonksyon dapre bann regleman etabli par zot papa Aaron, parey SENYER Bondye ti'n ordonnen.

Leres Desandans Levi

²⁰ La lezot desandan Levi: Parmi desandans Anmranm, ti annan Soubael e parmi desandans Soubael, Yedaya;

²¹ parmi desandans Rehabia, Yisiya, sef son fanmir;

²² parmi desandans Isar, Selomot; parmi desandans Selomot, Yahat.

²³ Bann garson Hebron: Premye Yeria, dezyenm Amaria, trwazyenm Yahazyel e katriyenm, Yekameanm.

²⁴ Garson Ouzyel: Mise. Parmi desandans Mise, ti annan Samir;

²⁵ parmi desandans Yisiya, frer Mika, Zakari.

²⁶ Bann garson Merari: Mali ek Mousi; garson Yaazya,

²⁷ bann garson Merari atraver son garson Yaazya, Sohanm, Zakour ek Ibri.

²⁸ Garson Mali: Eleazar ki pa ti ganny okenn garson,

²⁹ e Kis, ki ti annan en garson ki ti apel Yerameel.

³⁰ Bann garson Mousi: Mali, Eder, ek Yeremot. Sa ti desandans bann levit dapre zot fanmir.

³¹ Zot osi, parey zot bann frer desandan Aaron, ti tir osor dan prezans lerwa David, pour determin lord servis Sadok ek Ahimelek ek bann sef fanmir pret ek bann Levit. Zot ti fer sa pour bann pli zenn parmi zot bann frer, parey pour bann sef fanmir.