Salmo 54 - Papiamentu Bible 2013

SALMO 54 Libra mi di mal hende, SEÑOR

Pa maestro di kanto. Ku kompañamentu di instrumèntnan di kuèrdè. Poema didáktiko di David. Ora hendenan di Zif a bin bisa Saul: ‘Tende, David a skonde serka nos.’

¹ O Dios, salba mi pa bo nòmber, ku e poder, ku Bo tin, sali pa mi.

² Dios, skucha mi orashon, paga atenshon na mi palabranan.

³ Strañeronan a lanta kontra mi, hende brutu ke kita mi bida; nan no ta tene kuenta ku Dios.

⁴ Mira, Dios ta mi ousilio, Señor ta sostené mi bida.

⁵ Laga maldat di esnan ku ta lur mi kai riba nan mes kabes; pa bo fieldat, destruí nan!

⁶ Lo mi ofresé Bo un sakrifisio boluntario i lo mi alabá bo nòmber, sí, SEÑOR, pasobra e ta bon:

⁷ El a saka mi for di den pèrtá, ku gustu mi wowo a mira kon mi enemigunan a kai.