Zekaria 4 - KITAABA WAAQA

¹ Malaikaani naani dubbatte taani d'ufte, aka nama hiriba keesaa kaasani na kaafte,

² Maani agarta? jette na gaafatte. Anini waan jed'eeni, Anini waan ifseeni ira ejitu, ka worqiini mid'aasani, arga. Gubba isii d'ameela d'ad'aa jira, ammalle ifse torbati ira ejaanja, ta tamu bututu bobeesaniini torba qabdu.

³ Ammalle ejersa lamati d'aatu isi mirgafi bita jira.

⁴ Jennaani anini malaika suniini, Aabbo, wonti kunini maani garsiifti? jed'e gaafad'e.

⁵ Isiini waan naani jette, Atini imbeetu? Anini, Hiyo, Aabbo, imbeekhu jed'eeni. (

^10b Malaikaani waan naani jette, Ifseeni torbaani ila AABBO Waaqa torba, ta lafa ch'ufa agartu.

¹¹ Jennaani anini waan jed'eeni, Mukhi ejersa ka mirgafi bita waan ifseeni ira ejitu jiru

¹² Ammalle dameeleeni ejersa lamaani ka d'uyumti worqi d'aatu jirtu, ta d'ad'aani keesaa yau, maani?

¹³ Jennaani isiini waan naani jette, Atini imbeetu? Anini, Hiyo, Aabbo, imbeekhu jed'eeni.

¹⁴ Jennaani isiini waan jette, Jari kuni lamaani worra Waaqi, abba lafa ch'ufaa, fohate muude aka worri huji isaa hojatu.)

Waan Waaqi Zerubabelii kakhate

⁶ Jennaani malaikaani suni waan naani jette, Tunini dubbi Waaqi Zerubabelini jed'e: Atini irreeniti yokhaani jabeennaniti lubbu tiyyaani wo dabsatta.

⁷ Wonti guddooni gaara faakataleeni si duraa gorti. Atini Mana Waaqaa deebite jaarta; ammalle akuma atini d'akha eegee gubba keetuuni, biyyiti lalabde, Mana akana mid'aagu, mana akana mid'aagu taka agarte? jetti.

⁸ Ammalle qonqooni d'ibiini gara AABBO Waaqaati nati d'ufte waan jette,

⁹ Zerubabelini nama Mana Waaqa kana yayabe, ka hobaasuleeni isuma. Yo wonti kunini taate, gumiini tiyya, aka nami gara worra si erge ana, beeti.

^10a Waan hujiini tunini inarifanne laanuma deemtufi, worri lalefachuu jira. Ammo Zerubabeli, ka Mana Waaqaa illakimne jaaruma jaaru, argani gammadani.