Yoshua 21 - KITAABA WAAQA

¹ Jaaroleeni worra Lawiti mataa qaallicha Eleazarifi Yoshua ilma Nunitifi jaaroleeni gosa Israeliti mata ch'ufa d'at'e.

² Artiti Shilo lafa Kanaani keesati waan jetteeni, AABBO Waaqi Musani waan jed'e worra kana dirafi lafa d'aatu ta horiini worra tikhatule kennifi jed'e, jette.

³ Duuba jecha AABBO Waaqa gula worri Israeli gosa Lawiti, lafa worri d'aalaa argatte keesa dirafi lafa horiini worraa tikhatu kenneefi.

⁴ Worra balbala Kohathi, ka gosa Lawi dira kana kennanifi. Ilmaani qaallicha Haruni dira kud'ani sadi lafa Yudatifi Simeonifi Benjamini keesa kennanifi.

⁵ Duuba worra Kohathi kaani d'ibii dira kud'ani lafa Efraimutifi Danifi lafa gosa Manase ka ila adu keesa, kennanifi.

⁶ Balbala Gershoni dira kud'ani sadi, lafa Isakaritifi Asheritifi Naftalitifi lafa gosa Manase ka ilaboru keesa kennanifi.

⁷ Ammalle worra balbala Merari dira kud'ani lama lafa Reubenitifi Gaditifi Zabuloni keesa, kennanifi.

⁸ Worri Israeli gosa Lawiti, akuma AABBO Waaqi qara Musani jed'e, dira kanaafi lafa horiini tikhatule, hit'a buuse kenneefi.

⁹ Diri lafa Yudatifi Simeoni keesa,

¹⁰ ka ilmaani Haruni, ta balbala Kohathi, ta Lawiini d'ale kennanifi kana, qoodi dira ka qara hit'aani qoodani ka worraati.

¹¹ Lafa Yuda ta gaareeni keesa, dira Arba (Arbaani abba Anaki), ka amma Hebroni jed'anifi lafa d'aatu ta hori iti tissani kennanifi.

¹² Ammo oobru dira sunitifi ollowaani isaa yayu qara Kalebu, ilma Yefuneti d'aala kennani.

¹³ Dira iti baqatani toko ka Hebroni jed'ani male, ilmaani qaallicha Haruniti dira kana kennani: Libna,

¹⁴ Yatiri, Eshtemoa,

¹⁵ Holoni, Debiri,

¹⁶ Aini, Yuta, Beth-Shemeshifi lafa d'aatu ta hori iti tissanille. Dira sagallani kana gosa Yudatifi Simeoniti worraa kenne.

¹⁷ Lafa Benjamini keesa dira afraani kana kennanifi: Gibeoni, Geba,

¹⁸ Anathothi, Almonifi lafa d'aatu ta hori iti tissanille.

¹⁹ Dirafi lafti hori iti tissani, ta qaalole ilmaani Haruniti kennani kud'ani sadi.

²⁰ Worra kaani ka gosa Lawi, ka balbala Kohathi, lafa Efraimu keesa dira kennanifi.

²¹ Worraa dira afraani kana kennani: Shekemu, dira iti baqatanifi lafa hori iti tissani ta gaareeni Efraimu keesafi Gezerifi,

²² Kibisaimufi Beth-Horonifi lafa d'aatu dira suni ta hori iti tissanille.

²³ Lafa Dani keesa dira afuri kennanifi: Elteke, Gibethoni,

²⁴ Ayaloni, Gath-Rimonifi lafa d'aatu ta hori iti tissanille.

²⁵ Lafa gosa Manase ta ila odu keesa dira lama kennanifi: Tannakifi Gath-Rimonifi lafa d'aatu ta hori iti tissanille.

²⁶ Worri kunini ka balbala Kohathi, dira kud'anifi lafa d'aatu ta hori iti tissani wolti argatte.

²⁷ Ammalle worri balbala Gershoni, ka gosa Lawi, lafa gosa Manase, ta ilaboru keesa, dira lama argatte: Golani dira iti baqatani ka Bashani keesa jiruufi Beeshterafi lafa d'aatu ta hori iti tissanille.

²⁸ Ammalle lafa gosa Isakari keesa dira afuri kennani: Kishoni, Daberathi,

²⁹ Yarmuthi, Eganimufi lafa d'aatu ta hori iti tissanille.

³⁰ Ammalle lafa gosa Asheri keesa dira afuri kennani:

³¹ Helkathifi Rehobufi lafa d'aatu ta hori iti tissanille.

³² Ammalle, lafa gosa Naftali keesa dira sadi kennani: Kedeshi, dira iti baqatani, ka lafa Galilaya keesa jiruufi lafa d'aatu ta hori iti tissanille.

³³ Worri ch'ufti ka balbala Gershoni dira kud'ani saditifi lafa hori iti tissanille argatte.

³⁴ Worra gosa Lawi d'ibi, ka balbala Merari, lafa gosa Zabuloni keesa dira afuri kennani: Yokneamu, Karta,

³⁵ Dimna, Nahalifi lafa d'aatu ta hori iti tissanille.

³⁶ Ammalle lafa gosa Reubeni keesa dira afuri kennani: Beezeri, Yahasa,

³⁷ Kedemothi, Mefaathifi lafa d'aatu ta hori iti tissanille.

³⁸ Ammalle lafa gosa Gadi keesa dira afuri kennani: Ramothi, dira iti baqatani ka Gileadi keesa jirufi lafa d'aatu ta hori iti tissanille, Mahanaimufi

³⁹ Heshbonifi Yazerifi lafa d'aatu ta hori iti tissanille.

⁴⁰ Duuba balbala Merari dira kud'ani lama kennanifi.

^41-42 Lafa worri Israeli argatte keesa dira afurtami saddeetitifi lafa d'aatu ta hori iti tissanille gosa Lawiti kennani.

Aka worra Israeli lafa kennanifi fud'ate

⁴³ Akanaani AABBO Waaqi lafa ababoota Israeliti inkenna jed'e kakhate worra Israeliti kenne. Worri lafa suni fud'ate jennaani qubate keesa tae.

⁴⁴ AABBO Waaqi akuma ababoota worrati kakhate, lafa suni ch'ufa keesa nagaya kenne. Nyaapi worra tokoleeni taka worra dura inejine; wonti akanatiifi AABBO Waaqati nyaapa worra ch'ufa harka worrati kenne.

⁴⁵ AABBO Waaqi kakhu inni worra Israeliti kakhate ch'ufa tokole inhambimne ch'ufa guuteefi.