Yoshua 17 - KITAABA WAAQA

¹ Lafa gari ta galaana Yordani ila aduu worra Manase ka angafa Yusufuti kennani. Makirini abbaani Gileadi, angafa Manaseti, ammalle inni nama guddo waan lola beekhu, tanaafi Gileadifi Bashani, lafa galaana Yordani gama ilaboru kennanifi.

² Lafa galaana Yordani ila adu worra Manase ka d'ibi kennani: Worri sunini kana: Abiezeri, Helki, Asirili, Shekemu, Heferifi Shemida. Worri kunini ch'ufti ilmaani d'iira ta Manaseni, ilmi Yusufu d'ale, ammalle worri abbooti worraati.

³ Duuba Selofehadini, ilmi Heferi, ka ilma Gileadi, ka ilma Makiri ka ilma Manase, ilmaani d'iira tokole ind'alle, dubra male. Maqaani dubra suni mala, Noa, Hogla, Milka, Tirsa.

⁴ Dubarti sunini gara qaallicha Eleazarifi Yoshua ilma Nunitifi jaarole d'at'e waan jetteeni, AABBO Waaqi waan Musani jed'e, Dubra tana, oboleyaani isii ta d'iira woliini, d'aala kennaafi jed'e. Jennaani akuma AABBO Waaqi jed'e gula oboleyaani isii ta d'iira woliini lafa kennanifi.

⁵ Sunifi qooda kud'ani Gileadifi Bashani ka galaana Yordani ila boru male, Manase kennani.

⁶ Wonti akanatiifi ilmaani isaa ta dubra ilmaani d'iira woliini lafa kennanifi. Lafa Gileadi ilmaani Manase taani d'ibi kennani.

⁷ Lafti Manase Asheri ira baate Mikmeta, ka Shekemu ila ila boruti ejiti. Duuba seeri bita qajeele, worra Entapuale gahe.

⁸ Lafti d'aatu Tapua ta Manaseti, ammo diri Tapua ka seerati aanu, ka ilmaani Efraimuti.

⁹ Jennaani seeri laga Kanati gabue. Diri ch'ufti ka laga suni bitaa ka Efraimuti tahe, ato lafa Manase keesa jiraatele. Seeri Manase laga keesa bita deeme Baariini Guddati eje.

¹⁰ Lafti Efraimu bitaati hafte ta Manase mirgati hafte, Baariinini Guddaani ila aduti hafe. Ta Asherileeni mirgati hafte, ta Isakarileeni ilaboruti hafte.

¹¹ Lafa Isakaritifi ta Asheri keesa Manaseni dira Beth-Shanifi Ibleamufi ollowaani isani d'aatu jirule qaba: ammalle Dori (ka afaani galaana), Endori, Taanaki, Megidofi ollowaani isaani d'aatule qaba.

¹² Ammo hataatuti, worra gosa Manase worra dira suni keesa tau keesaa gussu dad'abe, tanaafi worri gosa Kanaani lafa suni keesati hafe.

¹³ Ammo ato worri Israeli eegi suni ira jabaatele, worra Kanaani ch'ufa keesaa ingussine, ammo ireeni worra hojachiisani.

Aka gochiti Efraimutifi ta Manase ta ila aduu lafa d'ibile kad'ate

¹⁴ Ilmaani Yusufu waan Yoshuani jette AABBO Waaqi ya guddo nu eebise, nu amma gosa guddo. Atini maanifi lafa gama toko ch'alla d'aala nuu kennita?

¹⁵ Yoshuani waan jed'eeni, Yo isani gosa guddo akasi taatani lafti gaareeni ta Efraimu d'uguma isanii diqaate, badda seena lafa Perezitifi ta Refai keesa lafa ch'iraa, mid'aafad'a.

¹⁶ Worri waan jed'eeni, Lafti gaareeni nu ingeetu, ammo worri Kanaani, ka diida keesa tau gaari sibiila qaba, worri Beth-Shanifi ollowaani d'aatu isaa jirufi worra bale Yezreeli keesa tauleeni gaari sibiila qaba.

¹⁷ Jennaani Yoshuani waan gosa Efraimutifi ta Manase ta ila adutini jed'e, Isani d'uguma nama heddu ammalle guddo irree qabdani. D'uguma qooda toko ira argachu maltani.

¹⁸ Lafti gaareeni ha teesani taatu, yo isiini baddale taate isani ch'ira, haga seeri isii gahu ch'ufa fud'ad'a. Worra Kanaani ato worri gosa jajabdu gaari sibiila qabdu taatele inuma keesaa gussitani.