Yoshua 12 - KITAABA WAAQA

¹ Worri Israeli yayu qara lafa Yordanini ilaboru, ta haga bale Arnoniti ejite bale Yordanitifi haga gaara Hermoni gara mirgati ejitu dabsate fud'ate keesa qubate. Worri hayyoota lama dabsate,

² toko Sihoni, hayyu Amori, ka dira Heshboni tau. Lafti inni fide Gilgali gama toko: Haga Aroeri (afaani bale Arnoni) ammalle dira bale suni wod'aka jiru ejite, haga galaana Yaboki seera Amoniti ejiti:

³ Ammalle baleeni Yordani haga galaana Galilaya bita, haga Beth-Yeshimoni (galaana sooda ilaboru) haga golba gaara Pisgati ejite.

⁴ Worri hayyu Ogulle, ka dira Bashani, ka worra Refeni ka hafe keesaa d'alatele, dabsate: inni dira Ashtarothifi Edari keesa tae.

⁵ Lafti inni fide gaara Hermonifi Saleka, lafa Bashani, haga seera Geshurifi Maaka, ammalle lafa Gileadi gama toko, haga lafa Heshboni, ta hayyu Sioni fiduti ejiti.

⁶ Hayyoota lamaani tana Musafi worra Israeliti dabsate. Hojattuuni AABBO Waaqa Musani lafa hayyoota suni gosa Reubenitifi ta Gaditifi ta Manase ta haga gariti kenne, aka worri lafa suni d'aalu.

Hayyoota Yoshuani dabsate

⁷ Yoshuafi worri Israeli hayyoota ch'ufa ta lafa Yordani ila aduu, haga Baal-Gadi Lebanoni keesaa fuud'e gaara Halaki ka bita d'aatu lafa Edomuti, d'aabe ch'ufa dabsate. Inni lafa tana worra Israeliti gosa gosani gargari qoodeefi akanaani lafti sunini ta worraa taate.

⁸ Qoodi suni lafa gaareeni, lafa ila aduu ta golba gaara, bale Yordanitifi golba isii, gooro ilaboru ammalle lafa gamooji ta bita. Duri lafa tana ch'ufa worra Hitifa, Amorifa Kanaanifa, Perizifa, Hivifa ammalle Yebusifaati taa.

⁹ Worri Israeli hayyoota dira kana dabsate: Yeriko, Ai (d'aatu Betheli),

¹⁰ Yerusalemu, Hebroni,

¹¹ Yarmuthi, Lakishi,

¹² Egloni, Gezeri,

¹³ Debiri, Gederi,

¹⁴ Horma, Aradi

¹⁵ Libna, Adulamu,

¹⁶ Makeda, Betheli,

¹⁷ Tapua, Heferi,

¹⁸ Afeka, Lasharoni,

¹⁹ Madoni, Hazori,

²⁰ Shimron-Meroni, Akshafu,

²¹ Taanaki, Megido,

²² Kedeshi, Yokneamu (Kameli keesa),

²³ Dori (afaani Baariini Galilaya keesa)

²⁴ ammalle Tirsa — hayyooti tunini ch'ufti sodomi toko.