Yohana 2 - KITAABA WAAQA

¹ Guyya sadeeso dira kana, ka lafa Galilaya keesa, fuud'a jira. Haati Yesoleeni achi d'at'e.

² Yesofi jara isale fuud'aa yaamani.

³ Daad'iini hobaanaani, haati Yeso, Worri daad'i inqabu jetteeni.

⁴ Yesoni waan jed'eeni, Ayo, atini maani nara qabda? Hojjaani tiyya ingeenne.

⁵ Haati isaa waan hojattuuni jette, Waan inni, Tolcha jed'u ch'ufa tolcha.

⁶ Okote faara jaati achi ejaanja, ta Yahudiini aada worra ta qulqulleesa gula, bisaani keesa d'iqatu; ta isiini toko bute afuri shani fuutu.

⁷ Yesoni waan worraani jed'e, Bisaani okote guguuta. Guutani t'ut'upani.

⁸ Jennaani, Woraaba, abba gololati geesa jed'eeni. Iti geesani.

⁹ Inni bisaani kaani, ka amma daad'i tahe, une, ammo fulla isiini baateefi imbeekhu (ammo hojattuuni ta bisaani woraabde imbeeti). Duuba abbaani golola abba fuud'a yaame

¹⁰ waan jed'eeni, Nami ch'ufti qara daad'i dansa namaa kenna, duuba eegi nami d'uge quufe yoosi ta hagana ingeenne namaa kennani. Ammo atini daad'i ira dansa eege hambifte amma namaa kennita.

¹¹ Akheekhi kuni ka qara Yesoni, dira lafa Galilaya, ka kana jed'ani keesati tolche. Achiti guddinna ufi agarsiise, jari isaa isa d'ugefate.

¹² Eegi waan kana inni Kapernaumuti gadi bue, isaafi haad'a isaatiifi oboleyaani isaatiifi jari isaaleeni bulti diqo toko achi taani.

Yesoni Mana Waaqa qulqulleesa

¹³ Jilti Pasaka ta Yahudi d'iaannaani, Yesoni Yerusalemu d'aqe.

¹⁴ Mana Waaqa keesa nama loonifi hooliyefi sabaliisa gurgurufi, jara hori jijirule, ka huji ufi hojatu arge.

¹⁵ Inni licho haada mid'aafate, Mana Waaqa keesaa waan ch'ufa gusse hooliyefi loonile, hori jara beese jijiru ch'ufa jisse, mesale garagalche.

¹⁶ Duuba waan jara sabaliisa gurguruuni jed'e, Waan kana armaa balleesa, Mana Abba kiyya gabaya intolchiina.

¹⁷ Jari isaa waan duri kitaaba keesati t'aafani, ta, Maro mana kanketitiifi garaani na gubata jettu qaabate.

¹⁸ Jennaani Yahudiini waan jetteeni, Akheekha kami nu agarsiifta, ka atini waan kana ch'ufa tolchitu?

¹⁹ Yesoni waan worraani jed'e, Isani Mana Waaqa kana ch'absa, duuba anini guyya saditi deebie jaara.

²⁰ Yahudiini waan jette, Ganna afurtami jaa keesa Mana kana jaarani, atini guyya sadi keesati dandeete jaarta?

²¹ Ammo mani inni baane nafa isaati.

²² Tanaafi duisa keesaa isa kaamnaani, jari isaa aka inni waan kana jed'e qaabate, t'aafifi dubbi Yesoni jed'e d'ugefate.

Yesoni nama ch'ufa beekha

²³ Ato Yesoni Yerusalemu jiru, gaafa Jila Pasaka jed'ani, nami hedduuni akheekha inni tolche arginaani, maqa isaa d'ugefate.

²⁴ Ammo Yesoni worra ufiti inquumne; wonti akanatiifi inni nama ch'ufa beekha,

²⁵ ammalle nama tokole ka waan namaa isati himu imfeene, waan inni waan nama keesa jira ch'ufa beekhufi.