Yeremia 18 - KITAABA WAAQA

¹ AABBO Waaqi waan nami jed'e,

² Beeni, mana nama faara kuuch'u d'aqi, duuba anini achiti waan siini jechu fed'u siti hima.

³ Duuba anini kae, mana namicha faaru kuuch'u d'aqe, isa tae d'oqe wo mid'aasu arge.

⁴ Hojja d'oqeeni inni d'auti jiru sunini diqo hamaate inni d'oqe suni fuud'e. Garagalche waan d'ibi mid'aasa.

⁵ Jennaani AABBO Waaqi waan nami jed'e,

⁶ Akuma, namichi faara kuuch'u tolche, anini yo worra Israeli akasi tolche d'uga inqabu? Akuma namicha faara kuuch'u d'oqeeni harka isaa keesa jirtu, isanileeni akasuma harka kiyya keesa jirtani.

⁷ Hojja anini, gosa toko yokhaani lafa toko hidda buqise ch'ach'abse balleesa jed'u,

⁸ ammo yo duuba gochiti sunini eege Hameenna ufi iraa deebite, anini waan qara intolche jed'e illakisa.

⁹ Ammo taatule, yo anini gosa toko yokhaani lafa toko aka mukha oobre jabeesa jed'u,

¹⁰ Ammo yo duuba gochiti sunini eege naa saalfachu didde, waan hamtu tolchite, anini waan qara intolcha jed'e illakisa.

¹¹ Amma waan atini worra Yudatifi ka Yerusalemutini jettu, AABBO Waaqi waan jed'u, Anini isaniti malachuu jira, aka isani gaargalche isani balleesu. Tanaafi isaniini ch'ufti kara keesani hama lakisa, amalafi adaba keesani jijirad'a.

¹² Ammo worri waan siini jed'u, Hiyo, akasi intaanu, nu akuma keenna kaani mata jabaanne, akuma feenu taana.

Aka biyyiti AABBO Waaqa didde

¹³ AABBO Waaqi waan jed'e, Gosa ch'ufa waan kana gaafad'a; waan akana kana eenuti taka arge d'agaye? Worri Israeli ya waan taka inargini tahe!

¹⁴ D'aamochi hamaani guyya tokole ch'alalaqa gaara Lebanoni iraa imbada? Bisaani qabanaooni gaara suni iraa yaani guyya tokole inch'itani?

¹⁵ Ammo gumiini tiyya ya na deete; worri waaqa d'araati hit'aana aarsa. Worri kara gula deemu ch'ufati gugufate, kara duri kaani gula iyyaau, ammo kara gudda lakise, daandi gula yaa.

¹⁶ Worri yayu lafa tana waan jibbani tolche, duuba isiini akasiini waan nami haga jiru jireenna tufatu taate. Nami d'aatu bahe dabru ch'ufti rifate mata gingilfate madeefata.

¹⁷ Anini gumi tiyya nyaapa isaani durati firfirsa, akuma awaara bubbeeni ila boriti d'uftuni. Guyya gaargali worrati d'ufu anini dudda worrati gala.

Aka Yeremiati malatani

¹⁸ Jennaani biyyiti waan jette, Koota, mala d'awanna aka Yeremia balleesinu! Nu qaalole nu barsiiftufi jaarole qaqaro mala nu d'ooftufi raagoota dubbi Waaqa nu faddu lafa teenna keesa haguma jirule ind'amnu. Koota, dubbi isaa dinne isa himanna.

¹⁹ Tanaafi anini Waaqa kad'ad'e waan jed'e, Ee AABBO Waaqa, na ch'aqasi, waan nyaapi kiyya dubbatu d'agayi.

²⁰ Waan dansa waan hamtuni baasani? Ammo worri yayu boola naa qote. Qaabad'u aka anini siti d'ufe worraa jed'e dubbad'e, aka dallansu tante worra ira d'owu.

²¹ Ammo amma tana, ee AABBO Waaqa ijoolleeni worraa ha garaachafi woraanani hobaatu. Nad'eeni ha d'iirsaafi ilmaanile d'abduti. D'iirti ha d'ukubaani hobaate, kaimileeni ha woraanani hobauti.

²² Nyaapa iti ergi ka d'ufe mana worraa tassa saamu, worri ha mudame iyyuti. Worri yayu boola anini keesa buu naa qote t'urura anini seenule naa kaaye.

²³ Ammo ee AABBO Waaqa, atini mala worri nani ijeesu fed'e ch'ufa imbeeta. Ch'ubbu worraa inaraaraminiifi, daba worraale biraa indeeminifi. Worra dabsi, lafa buusi dallansu keesa balleesi.