Mika 2 - KITAABA WAAQA

¹ Gaargala akamiti worra sire ira ch'iise waan hamtu malatu d'aqaba! Yo lafti bariite, waan irre qabanifi, waan eda malatani kaani tolchani.

² Hojja oobru fed'ani, d'aqani saamani; hojja maneeni fed'ani, d'aqani qabani fud'atani. Wonti nami qabu, namafi saileeni, yokhaani mihi manaleeni, ka baha injirtu.

³ Tanaafi AABBO Waaqi waan jed'u, Anini aka gaargala isani jala imbaanne isaniti d'ufu, malachu jira. Duuba gaargala argattani, deebitani aka duri kaani kiyyiba iyyaatani.

⁴ Hojja guyyaani suni gahe, biyyiti waan keesani dubbate qach'o isaniti d'aate waan jettu: Nu ya aka d'ugaa banne! AABBO Waaqi ya lafa nuraa fud'ate worra nu boojie kenne.

⁵ Duuba gaafa guyyaani lafa worra AABBO Waaqati deebisani gahe, isani nami tokoleeni qooda keesa inargatu.

⁶ Biyyiti na gorsite waan naani jettu, Laki, nu ingorsiini, waan suni maqale ind'aini, Waaqi nu inch'eersu.

⁷ Isani waan worri Israeli abaarsa qabu seetani? AABBO Waaqi ya obsu dad'abe. D'uguma waan akana tolcha? Inni nama d'uga tolchu innahu?

⁸ AABBO Waaqi waan jed'uuni, Isani aka nyaapa worra kiyya haatani. Nami duula galu, yo worraani bahu, waan nagayaani tau seha; ammo isani gaaddani woya duddaduubaani iraa hattani.

⁹ Isani nad'eeni worra kiyya mana isiini jaalattu keesaa gussitani ilmaani isii saamtani eeba sila haga jiru jireenna anini kennuufi d'owartani.

¹⁰ Kaa yaa, fullaani tunini nagaya isanii inqabdu, ch'ubbuuni teesani ya fulla tana yakite t'ureesite.

¹¹ Worri kunini raaga deeme d'arafi kiyyiba odeesu, ka biyyaani, Daad'ifi faarso quuftani jed'u, fed'a.

¹² Ammo anini, ee Yakobo, isani worra Israeli ka hafe wolti yaama. Anini aka ree moonati galchani wolti isani galcha. Yokhaani aka ree wolti baate d'eedu, nami deebie lafa teesani akuma duri kaani guuta.

¹³ Waaqi kara worraa bane lafa worra iti boojiani suni keesaa baasa. Worrileeni balbala fullo dira suni ch'abse baqata, ammalle hayyuuni worraani deemu AABBO Waaqa.