Matayo 1 - KITAABA WAAQA

Waan ababoota Yeso Kristo

¹ Kunini kitaaba maqa worra Yeso Kristoni keesaa d'alate. Yeso Kristoni d'aloota Daudi, Daudini d'aloota Abrahamu.

² Abrahamuuni abba Isaaqo; Isaaqoni abba Yakobo; Yakoboni abba Yudafi oboleyaani isaa.

³ Yudani abba Peresifi Zera (haati isaani Tamari); Peresini abba Esromu; Esromuni abba Aramu;

⁴ Aramuni abba Aminadabu; Aminadabuni abba Nashoni; Nashonini abba Salmoni;

⁵ Salmonini abba Boazi (haati isaa Rahabu); Boazini abba Obedi (haati isaa Ruthi); Obedini abba Yese;

⁶ Yeseni abba hayyu Daudi. Daudini abba Solomoni (haati isaa duri niiti Uriati);

⁷ Solomoni abba Rehoboamu; Rehoboamuni abba Abiya; Abiyani abba Asa;

⁸ Asani abba Yehoshefathi; Yehoshefathini abba Yoramu; Yoramuni abba Uzia;

⁹ Uziani abba Yothamu; Yothamuni abba Ahazi; Ahazini abba Hezekia;

¹⁰ Hezekiani abba Manase; Manaseni abba Amoni; Amonini abba Yosia;

¹¹ Yosiani abba Yekoniafi oboleyaani isaa, jari kunini eegi worra Israeli boojiani lafa Babiloni geesani d'alate.

¹² Eegi gosa Israeli boojiani lafa Babiloni geesani: Yekoniani abba Shealtieli; Shealtielini abba Zerubabeli;

¹³ Zerubabelini abba Abihudi; Abihudini abba Eliakimu; Eliakimuni abba Azori;

¹⁴ Azorini abba Sadoki; Sadokini abba Akimu, Akimuni abba Eliudi;

¹⁵ Eliudini abba Eleazari; Eleazarini abba Matani; Matanini abba Yakobo;

¹⁶ Yakoboni abba Yusufu, d'iirsa Mariamu, ta Yeso ka Kristo jed'ani d'alte.

¹⁷ Duuba akanaani Abrahamufi Daudi jiddu d'aloota kud'ani afuriti jira ammalle kud'ani afuri d'ibiti Daudifi ganna gosa Israeli boojiani lafa Babiloni geesani jiddu jira, akasuma ammalle d'aloota kud'ani afuriti gaafasifi d'aloota Kristo jiddu jira.

D'aloota Yeso Kristo

¹⁸ D'alooti Yeso Kristo akana tahe. Gaafa Yusufuni haad'a isaa Mariamu kad'ate, ato worri d'iirsafi niiti intahiini, isi Lubbu Qulqullooni garaachoofte argani.

¹⁹ Yusufuni, nami isi kad'atu suni, nama dansa, isi ch'eersu imfeene, ammo d'ossaani lakisu fed'e.

²⁰ Ato inni waan kana heregu, malaikaani Aabbo oobjuuni isati mullatte waan jetteeni, Yusufu, ilma Daudi, Mariamu fuud'u insodaatini. Garaachi isiini qabdu kunini ka Lubbu Qulqulloti.

²¹ Isiini ilma deeti, duuba atini maqa isaa Yeso baasi, wonti akanatiifi inni gumi ufi ch'ufa daba keesa baasa.

²² Wonti kunini ch'ufti aka wonti Aabbooni afaani raagatiini dubbate guutamtufi taate:

²³ Ilaala, intalti dubra garaachoofte ilma deeti. Maqa isa Imanueli baasani. Akasi jechaani Waaqi nu woliini jira jechu.

²⁴ Yusufuni hiriiba keesaa kaanaani waan malaikaani Aabbo jetteeni tolche, Mariamu fuud'e.

²⁵ Ammo haga isiini ilma deetuti niiti intolfanne. Jennaani Yusufuni maqa isaa Yeso baase.