Luqaas 9 - KITAABA WAAQA

¹ Duuba Yesoni jara ufi kud'ani lamaani kaani wolti yaame, jabeennaafi humna jinniini baasaniifi ta d'ukubaani fayyisani kenneefi.

² Jennaani worra erge aka Finna Waaqa odeesani fayyad'abale fayyisani.

³ Inni waan worraani jed'e, Woreega karaa imfud'atiina, ulele, subbale, qit'ale, horile, kooti lamale imfud'atiina.

⁴ Mana olduuddani ch'ufa achuma tataa haga kaatani yaataniti.

⁵ Nama isani inulfeesiini, yo dira suni keesaa kaatani, awaara miila iraa d'ad'aad'a, aka akheekha worraa taatu.

⁶ Worri kae olla ch'ufa keesa yayae Odu Dansa odeese, fulla ch'ufati nama fayyise.

D'ind'insa Herode

⁷ Hayyuuni Herode jed'ani waan ch'ufa ka tolchani d'ageennaani guddo d'ind'inse waan nami gari, Yohanani yayu duisa keesaa kae jed'eefi.

⁸ Nami gari, Eliyaani ya mullate jed'e, ammo ka gari, Raagi duri toko yayu duisa keesaa kae jed'e.

⁹ Herodeni waan jed'e, Anini Yohana yayu mata iraa kute, ammo nami anini waan isaa akana d'agayu kuni eennu? Duuba Yeso argu fed'e.

Yesoni nama kunki shani nyaachisa

¹⁰ Ergattuuni gallaani waan ch'ufa ka tolchite Yesoti himte. Inni kobati yaame fulla dira Bethsaida geese.

¹¹ Gumiini waan kana d'ageennaani isa gula yaate. Inni worraani, Gadi hiiqa jed'e, waan Finna Waaqa worrati odeese, nama fayya d'abe fayyise.

¹² Lafti galgaloomnaani jari kud'ani lamaani kaani d'ufe waan jed'eeni, Gumi galchi, aka ollafi reera keesa yaate fulla bultitiifi sagale barbaadatu; wonti akanatiifi nuu armiti alo.

¹³ Ammo inni waan worraani jed'e, Waan nyaatani kennaafi. Worri waan jed'eeni, Nu woma inyaannu, qit'a shanifi qurt'umi lama male. Nuu yaane sagale gumi tana ch'ufa binnu feeta?

¹⁴ (Nami d'iira ch'allaani haga kunki shani ingaha.) Yesoni waan jara ufitiini jed'e, Shantama shantamaani teteesisa.

¹⁵ Akasi tolchani, worra ch'ufa teteesisani.

¹⁶ Yesoni qit'a shanaaniifi qurt'umi lamaani taani fuud'e, gubba olmillate eebise ch'ach'abse jara ufiti kenne, aka gumi gololchani.

¹⁷ Nami ch'ufti quufe, hamba wolti guurani dadu kud'ani lama guutani.

Petroni, Atini Kristo Yesoni jed'a

¹⁸ Jennaani ato Yesoni kobati Waaqa kad'atu, jari isaa gara isaa d'ufe. Inni, Biyyiti eennu naani jetti? jed'e gaafate.

¹⁹ Worri waan jed'eeni, Nami gari Yohana nama batisu jed'a; ammo ka gari Eliya jed'a; ka garileeni, Raaga duri tokoti duisa keesaa kae jed'a.

²⁰ Inni waan jed'eeni, Ammo isani eennu naani jettani? Petroni waan jed'eeni, Atini Kristo ka Waaqa.

Yesoni waan duisa ufi dubbata

²¹ Jennaani inni worrati seere, Nama tokoleti dubbi tana inhimina jed'e.

²² Ammalle waan jed'eeni, Ilmi Nama aka heddu gaargalu male, jaaroleefi qaalole gugurdofi jari Seera beekhuleeni isa mormate, isa ijeesani, ammo guyya sadeeso kau male.

²³ Jennaani inni waan worra ch'ufaani jed'e, Yo nami na gula d'ufu fed'e ha ufi mormate hojja ch'ufa maskali ufi baate na gula deemu.

²⁴ Wonti akanatiifi nami jireenna ufi baasu fed'u ind'aba; ammo nami naa jed'e jireenna ufi balleesu inargata.

²⁵ Maani namaa baati, yo nami waan lafa tana ch'ufa argate ammo ufi balleese ufumaani badu?

²⁶ Yo nami tokoleeni anaafi dubbi tiyya dide, Ilmi Namaleeni, gaafa guddinna ufitiifi ka Abba isatiifi ka malaika qulqulloleeni d'ufu, nama suni indida.

²⁷ Ammo waan anini d'uguma isaniini jed'u, Jari gari ka arma jiru haga Finna Waaqa ila ufitiini arguti induu.

Jijirama Yeso

²⁸ Eegi dubbi tana, haga torbaani toko teennaani, Yesoni Petrofi Yohanafi Yakobo yaame aka Waaqa kad'atani gaara woliini Korani.

²⁹ Ato inni kad'atu, bifti isaa jijiramte woyaani isaa addaatte bibilit'e.

³⁰ Maro tokotu nami lama gadi mullate isa woliini hasae; worri suni Musafi Eliya.

³¹ Worri guddinnaani mullate waan duisa isaa ka Yerusalemu keesati tahu, woliini dubbate.

³² Duuba Petrofi jari isa woliini jiru kaani guddo mugani, ammo kaanaani guddinna Yesotiifi nama lama ka isa woliini ejaanju argani.

³³ Ato worri isa biraa yau, Petroni waan Yesoni jed'e, Aabbo, aki nu arma jirru dansa. Hoosa sadi mid'aasina; toko kanketi, toko ka Musati, tokoleeni ka Eliyati. Ammo inni waan jed'e, imbeekhu.

³⁴ Ato inni akasi jed'u dumansi d'ufe worrati gaadiseese, worri dumansa seennaani sodaate.

³⁵ Qonqooni dumansa keesaa baate waan jette, Kunini Ilma kiyya, ka anini fohad'e; isa ch'aqasa.

³⁶ Eegi qonqooni dabarte Yesoni kobati hafe. Worri ch'allise, bara suni ch'ufa waan argani suni nama tokoleti inhimne.

Fayyisa gurba jinni qabu

³⁷ Boriyya gaara iraa buunaani gumiini guddooni Yesoti baate.

³⁸ Nami toko gumi keesa iti lalabe waan jed'eeni, Aabbo si kad'ad'a kooti ilma kiyya takacha anini qabu ilaali.

³⁹ Yo jinniini ira galtu inni iniya; ammalle isa hargufti haga inni afaaniini homachauti, duuba yoosu illakiftu haga isa gaargalchituti.

⁴⁰ Anini jara kanketiini, keesaa baasa jennaani dad'abani.

⁴¹ Yesoni waan jed'eeni, Ee, d'aloota daallicha ka woma ind'ugefanne, anini ganna hagami isani woliini tae obsu male? Ilma kanke armaani kooti.

⁴² Ato inni d'ufu, jinniini lafaani isa d'oofte hahargufte. Ammo Yesoni jinni hamtu suni d'owe, gurba fayyise abba isati deebise.

⁴³ Duuba akasiini nami ch'ufti waan humna Waaqa arge maadefate. Ammo ato nami ch'ufti waan inni tolche maadefatu, Yesoni waan jara isatiini jed'e,

Yesoni ammalle waan duisa ufi dubbata

⁴⁴ Dubbini tuni gurra keesani keesa ha seentu! Ilma Nama harka namati kennani.

⁴⁵ Ammo worri dubbi tana inhubanne wonti akanatiifi waan kana ya worra dura d'ossaani, aka worri dandae inhubanne, worrileeni waan dubbi suni Yeso gaafachu sodaate.

Akheekha ufi diqeesa

⁴⁶ Jennaani worri nuu kana keesa eennuti gudda? jed'e wolmorme.

⁴⁷ Ammo Yesoni herega garaa worraa arginaani daima toko fuud'e ufi bira teesise,

⁴⁸ waan worraani jed'e, Nami daima kana maqa kiyyaani jabeesu ya nale jabeese; nami naa jabeesu ch'ufti ka na erge jabeesa. Wonti akanatiifi nama isani keesa ch'ufa ira diqaati isani ch'ufa ira gudda.

Nami isaniini imorkine goli teesani

⁴⁹ Yohanani waan jed'eeni, Aabbo, nama toko ka jinni maqa kanketiini baasu argine, duuba isa d'owine maro inni nama keenna intahiiniifi.

⁵⁰ Ammo Yesoni waan jed'eeni, Ind'owiina, wonti akanatiifi nami isaniini imorkine goli teesani.

Ollaani Samaria toko Yeso dida

⁵¹ Guyyaani inni gubbati galu d'iananaani Yerusalemuti fuula deefate.

⁵² Nama ufi dura erge, ka deeme olla Samaria toko seene fulla isaa mid'aasu.

⁵³ Ammo biyyiti isa dide maro inni Yerusalemu deema kaefi.

⁵⁴ Duuba jari isaa Yakobofi Yohanani waan kana arginaani waan jed'ani, Aabbo, aka nu ibida gadi yaamne worra kana ch'ufa balleesinu feeta?

⁵⁵ Yesoni garagale worra gorse,

⁵⁶ olla d'ibiti dabrani.

Waan worri sila Yeso gula deemu

⁵⁷ Ato kara yaanu, namichi toko waan Yesoni jed'e, Fulla atini deemtu ch'ufa si gula deema.

⁵⁸ Yesoni waan isaani jed'e, Geedalti boola qabdi, simpirreeni gubbaleeni mana qabdi, ammo Ilmi Nama fulla mata ufi keyatu inqabu.

⁵⁹ Inni waan nama d'ibiini jed'e, Na gula kooti. Ammo inni waan jed'eeni, Aabbo, eegi, qara d'aqe abba kiyya awaala.

⁶⁰ Yesoni waan jed'eeni, Reefi ha reefa ufi awaalatu; ammo atini deemi Finna Waaqa odeesi.

⁶¹ Nami d'ibiini waan isaani jed'e, Aabbo, anini si gula deema; ammo eegi, qara nama mana kiyya jiruti nagaya d'aamad'a.

⁶² Yesoni waan isaani jed'e, Nami harka ufi ginda ira kaye ufi duuba millatu tokoleeni Finna Waaqaati himmalle.