Lawi 7 - KITAABA WAAQA

Waan gati sorio baasani

¹ Tunini aada waan gati sorio baasani; wonti kunini guddo qulqullo.

² Fulla sorio gubani baasani iti qalani, waan gati baasani kanale artumati qalu malani, d'iiga isiile waan mesa fakaata kaani gama afraanitu fifit'u malani.

³ Gabbinna hori suni ha iraa baasani, waan mesa fakaata irati sorio baasani: gabbinna dubaati, moora,

⁴ kaleefi gabbinna isiiti arabicho tirulle ch'ufa.

⁵ Qaalluuni gabbinna kana ch'ufa ha waan mesa fakaata kaani irati AABBO Waaqa durati gubu. Tunini waan gati sorio baasani.

⁶ Nami d'iira, ka worra qaallu ch'ufti, dandae nyaata, ammo fulla qulqullooti nyaachu malani, wonti akanatiifi isiini guddo qulqullo.

⁷ Aadaani sorio dabaani ufiraa baasanitifi ta waan gati sorio baasani taka: Fooni ka qaallu sorio baasuti.

⁸ Qaallichi sorio gubani baasu ha goga hori suni fud'atu.

⁹ Mid'aani baasani ch'ufa ka okoteeni d'aabanifi ka eeleeni d'abaanifi ka daboolaani d'aabani ch'ufti ka qaallu waan suni baasuti.

¹⁰ Ammo mid'aani baasani, ka ind'aabiini, ka d'ad'a qabatifi ka inqamnelee ilmaani Haruni ha wolqit'e qoodatuti.

Sorio wold'ageeti

¹¹ Aadaani sorio wold'ageeti ta nami AABBO Waaqaa baasu tana.

¹² Hojja nami Waaqa jed'e galata deebise sorio baasu, inni hori sorio baasu suni woliini qit'a bukho inqamne ha baasu: qit'a suni ha d'ad'ani wolti makhani fufurdisani d'aabaniti, yokhaani ha buddeena d'ad'a ibsani d'aabaniti, yokhaani ha qit'a d'ad'ani wolti makhani d'aabaniti.

¹³ Tana malele inni ha qit'a bukho qabu baasu.

¹⁴ Inni ha qit'a suni ch'ufa keesa gosa gosani toko toko fuud'e AABBO Waaqaa baasu; qit'aani suni ka qaallu d'iiga hori qalani fuud'e waan mesa fakaatati fifit'uti.

¹⁵ Fooni hori suni guyya qalani ha nyaatani; tokoleeni imbulini ha fit'ani.

¹⁶ Yo nami sorio wold'ageetitiini d'ufe waan inni kakhu gula baasu taanaani, yokhaani waan inni fed'i gula baasu taanaani, waan d'ufeeni suni ch'ufa ha guyyuma suni nyaatani, ammo yo isiini hafte ha boriyyaate nyaatani.

¹⁷ Fooni guyya sadeeso suni iraa hafe ch'ufa ha gubani.

¹⁸ Yo fooni guyya sadeeso nyaatani Waaqi nama suni ira waan inni baasufi infud'atu, ammalle waan inni baasu suni tokole inhereganifi. Ammo waan qulqullo intahiniti heregani, ammalle nami waan suni nyaate ya waan male tahe.

¹⁹ Fooni waan qulqullo intahini tuqe ch'ufa nyaachu himmalle, gubu malani. Nami qulqullooni fooni dandae nyaata,

²⁰ ammo hojja nami qulqullo intahini fooni sorio wold'ageeti nyaate, nama suni deebiani gumi Waaqati inheregani.

²¹ Ammalle hojja nami fooni sorio tana nyaate, eegi inni waan qulqullo intahini tuqe, waan nama yokhaani horile taanaani, yokhaani waan d'ibi qulqullo intahini ch'ufa, nama akasi suni deebiani gumi Waaqati inheregani.

²² AABBO Waaqi waan Musani jed'e,

²³ Waan atini worra Israelitini jettu, gabbinnafi d'ad'a loonifi ree tokole insooratina.

²⁴ D'ad'a hori ufiini due yokhaani ka bineensi nyaate inyaatina, ammo yo waan d'ibiini tolfatani womaniti.

²⁵ Nama d'ad'a hori sila gubani AABBO Waaqaa baasani nyaatu, nama suni gumi Waaqati deebiani inheregani.

²⁶ Isani fulla jirtani ch'ufa d'iiga simpirre yokhaani bineensafi horile tokole insoortina.

²⁷ Nama seera kana ch'absu tokole gumi Waaqati inheregani.

²⁸ AABBO Waaqi waan Musani jed'e,

²⁹ Waan atini worra Israelitini jettu, Nami sorio wold'ageeti baasu ha gama toko AABBO Waaqaa kennu.

³⁰ Inni ha harkuma isaatini waan gubani AABBO Waaqaa baasanini d'ufu. Inni gabbinna hori suni ha handaraafa woliini olqabe aka AABBO Waaqaa baasani garsiisuti.

³¹ Qaallichi ha gabbinna waan mesa fakaata irati gubuti, ammo handaraafi ka qaaloleeti.

³² Miila mirga ka lukha ka sorio wold'ageeti ha

³³ qaallu d'iigaafi gabbinna sorio baasu kennani.

³⁴ Handaraafa olqabani, aka AABBO Waaqaa baasani garsiisani kaanifi miila mirga ka lukha kaani, anini yayu worra Israeli iraa fuud'e Harunifi ilmaani isaati kenne aka wonti kunini waan guyya ch'ufa worra Israeli iraa fuud'ani taatu.

³⁵ Wonti kunini qooda sagale sorio gubani keesaa fuud'ani gaafa Harunifi ilmaani isaa eebisani qaallu AABBO Waaqa tolchani kennaniifi.

³⁶ Guyya worra muudani suni, AABBO Waaqi worra Israelitini, waan suni worraa kenna jed'e. Tunini aada worri Israeli haga jiru jireenna guutu male.

³⁷ Aadaani sorio dabaani ufiraa baasanifi waan gati sorio baasanifi waan guyya qaalole eebisani muudani baasanifi ammalle ta sorio wold'ageetileeni tana;

³⁸ AABBO Waaqi aada tana Musa gaara Sinai, lafa aloo keesati, kenneefi, guyya inni worra Israelitini sorio AABBO Waaqa baasa jed'e.