Huji Ergattu 3 - KITAABA WAAQA

¹ Guyya toko Petrofi Yohanani saatiini kad'achaa geennaani qit'e saa sagali Mana Waaqa woliini d'aqani.

² Nama toko ka haguma d'alate miili naafateeti jira. Guyya ch'ufa isa fuud'ani, fulla balbala Mana Waaqa ta mid'aadu jed'ani kayani, aka inni nama Mana Waaqa seenu hori kad'atu.

³ Inni Petrofi Yohana Mana Waaqa seenani arginaani woi kad'ate.

⁴ Petrofi Yohanani isa sonaani ilaalani waan jed'aniini, Nu ilaali!

⁵ Inni aka woi ira argatu worra ilaale.

⁶ Petroni waan jed'eeni, Shilingifi worqi sii kennu inqabu, ammo waan qabu sii kenna: maqa Yeso Kristo ka Nazaretitiini kai deemi.

⁷ Petroni harka mirgicha isaa qabe oli kaase. Hojuma suni faanafi koometuuni isaa jabaatte,

⁸ inni olch'ee ejate deeme. Jennaani worra woliini Mana Waaqa seene, olch'ech'ee Waaqa faarse.

⁹ Nami ch'ufumaanu isa deeme Waaqa faarsu arginaani,

¹⁰ aka inni nama balbala Mana Waaqa ta Mid'aadu jed'ani dura tae woi kad'atu beennaani, waan inni tahe kana guddo mamani maadefatani.

Hasaa Petro Mana Waaqa keesa

¹¹ Ato namichi kaani Petrofi Yohana qabate olch'ech'eu, nami ch'ufti mame balbala Solomoni jed'aniti wolwoldae.

¹² Petroni waan kana arginaani waan biyyaani jed'e, Worra Israeli, maafi waan kana mamtani sonaani nu ilaaltani, aka waan nu jabeenna keennaani yokhaani qulqullooma keennaani nama kana fayyimne?

¹³ Waaqa Abrahamutiifi ka Isaaqotiifi ka Yakobotiifi Waaqa aabbooti teennati jabeenna Hojattu isaa Yesoti kenne. Isani harka jara gugurdati isa kennitani Pilato durati isa mormattani, eegi Pilatoni isa lakisu fed'ele.

¹⁴ Inni qulqullofi dansa, ammo isa diddani Pilato kad'attani aka algala toko isani hiikhani,

¹⁵ Abba Jireenna ijeeftani. Ammo Waaqi duisa keesaa isa kaase, nu d'uga waan kanaati.

¹⁶ Jabeenna maqa isati namicha naafa kana fayyise. Waan isani argitani d'ageettani kana jabeenna maqa isaatiini tolchani. D'ugefacha inni Yeso d'ugefateti namicha kana isani durati fayyise.

¹⁷ Duuba, oboleyaani tiyya, anini imbeekha, aka wonti isanifi jaaroleeni teesani Yeso tolchite daalluma.

¹⁸ Waaqi waan duri afaani raagootatiini hime, aka Kristoni gaargalu male, akanaani guute.

¹⁹ Tanaafi daba iraa deebia, Waaqaati fuula deefad'a, aka inni daba isani iraa d'iqu,

²⁰ jabeenni Lubbu Qulqullo Aabbo iraa d'ufa innileeni Yeso Kristo ka qara isanii fohate erga.

²¹ Inni gubba tau male, haga waan ch'ufa hareesa tolchaniiti, akuma Waaqi afaani raagoota isaa qulqullotiini duri hime.

²² Wonti akanatiifi Musani waan jed'e, Aabbo Waaqi keesani raaga isani erga, akuma inni na erge, gosa teesani keesa. Waan inni isaniini jed'u ch'ufa ch'aqasu maltani.

²³ Nama waan raagi sunini jed'u inch'aqamne gumi Waaqa keesaa baasani balleesani.

²⁴ Raagooti ch'ufti, Samuelifi worri eegi isaa d'ufeleeni, waan guyya kana dubbate.

²⁵ Kakhuuni Waaqi afaani raagootatiini kakhate teesani, isanileeni wold'aqisa Waaqi abbooti teesani woliini tolche qoodattani. Akuma inni Abrahamuuni jed'e, D'aloota keetiini anini nama lafa ch'ufa eebisa.

²⁶ Tanaafi Waaqi isa fohate, Hojattu ufi qara isaniti erge, aka isani eebise kara keesani hama ira isani gorsu.