Hosea 10 - KITAABA WAAQA

¹ Worri Israeli mukha zabibu ka mid'aani guddo qabu fakaata. Worri haguma iti wo horatuni, waan heddu sorio irati baasani mid'aase; ammalle haguma lafti worraa woi baaftuni, d'akha woyyu ka kad'atani mid'aase ch'okhe.

² Garaani worraa d'articha, tanaafi worri gati ch'ubbu suni argachu male. Waaqi waan worri sorio irati baasu ch'ach'abse d'akha worraa ka woyyu balleesa.

³ Amma worri kunini waan jed'u, Waan nu Waaqa insodaanneefi, nu hayyu inqamnu. Ammo hayyuleeni, yo jiraate, maani nuu baha?

⁴ Dubbi injirre dubbatani, wold'aqani kakhu d'ara kakhatani. D'ugani ya badde d'ara taate, aka had'aa oobru keesati baate wo yakiti.

⁵ Worri dira Samaria keesa tau sodaate, badi korma worqi ka Bethaveni jiru jed'e boha. Worraafi qaaloleeni korma suni hojattuleeni badi suni iraa booti, hojja korma suni waan isaani ch'okhani kaani iraa baasani.

⁶ Waan harkaani boch'ani suni lafa Ashuruti geesani damoosa hayyu guddaa baasani. Worra Israeli waan worri gorsa suni gula deemefi guddo ch'eersani.

⁷ Hayyu Samaria imballeesani, akuma filliida qoraani ka lollaani fuud'e balleesu.

⁸ Fulla worri Israeli wollaala tolche fiit'e gaara irati waaqoota d'ara kad'atu, ta dira Aveni keesa, imballeesani. Qoraatifi doobiini fulla worri sorio irati baasu irati baati. Worri ufi jibbaate gaareeniini, Nu d'ossa jed'e, kubileeni, Nura jiga jed'a.

Aka Waaqi wollaala Israeliti mure

⁹ AABBO Waaqi waan jed'u, Worri Israeli haguma Gibeati nati ch'ubbame ch'ubbu suni illakimne. Had'iisi Gibeati worra ind'aqabu re?

¹⁰ Anini worra daba kana had'e balleesa. Gochiti d'ibileeni wolti baate maro ch'ubbu worraa guddotifi worra gaargalchiti.

¹¹ Israeliini qara aka goromi lenjisani, ta kurfeesani mid'aaniini d'aanani, jirti. Anini qaach'era isii mid'aaga qaampara ira kaye, huji jabdu hojachiisa. Anini Yuda maarasha iti kenne hojachiise, Israelile kokoomicha biyye bulleesisa.

¹² Anini waan jed'e, Lafa hareeti qotad'a, d'uga oobra, ammalle eeba jaalalti isani na jaalattani isanii kennitu haamad'a. Guyyaani isani ana, AABBO Waaqa keesaniti deebitani ya gahe, anini d'ufe eebaani isani bad'aasa.

¹³ Ammo isani fulla suni ya hameenna oobrattani mid'aani isaa haamattani. Ammalle isani ya mid'aani kiyyiba keesani nyaattani. Waan isani gaari keesani ka fardi hirkisufi askarti teesani heddu abdattanifi,

¹⁴ had'iisi lafa teesaniti d'ufe maneeni teesani jajabdu ch'ufa balleesa. Guyyaani gaafasi aka gaafa guyya hayyu Shalmaniini dira Betharbeli had'e balleese haawaanifi ilmaani tume bulleese akasi taha.

¹⁵ Worra Betheli, isanile akasuma tolchani, maro waan hamtu isani taatanifi. Akuma had'iisi iti keeyatuuni, hayyu Israeli balleesani.