Faaru 54 - KITAABA WAAQA

¹ Ee Waaqa, jabeenna keetiini na baasi, irre teetiini d'uga naa muri!

² Ee Waaqa, kad'acha tiyya d'agayi, dubbi tiyya ch'aqasi!

³ Nami kiyyibaani nati kae na had'uti jira; nami hamaani Waaqa insodaanne na ijeesu fed'a.

⁴ Ammo Waaqi qarqaarsa kiyya, nami na jabeesuleeni AABBO Waaqa.

⁵ Ch'ubbuuni nyaapi kiyya hojate ha worrati deebituuti. Waaqi ka d'ugaati, worra balleesa.

⁶ Ee AABBO Waaqa, anini gammadaani sorio sii baase, maro dansuma teetifi galata sii deebisa.

⁷ Atini gaargala kiyya ch'ufa keesaa na baafte, nyaapa kiyya ka dabsatani ch'ufa na garsiifte.