Faaru 128 - KITAABA WAAQA

¹ Ayyaana isaati, ka AABBO Waaqa sodaate kara isaa gula deemu.

² Hujiini tante waan atini feetu si kenniti, duuba atini woi horate gammada.

³ Niitiini tante aka mukha zabibu ka mid'aani guddo baasu jirti mana kanke keesati; ammalle ilmaani tante ta d'iira mukha ejersa, ka d'aatu mesa keeti jiru, fakaati.

⁴ Nama AABBO Waaqa sodaatu akasuma eebisani.

⁵ AABBO Waaqi ha Sioni keesaa si eebisu! Waaqi hormaata Yerusalemu haga atini jirtu ch'ufa si agarsiisina!

⁶ Waaqi akhakhowani tante ch'ufa si agarsiisina! Worri Israeli ha nagaya keesa tauti.