Amosi 9 - KITAABA WAAQA

¹ Anini AABBO Waaqa, ka d'aatu fulla sorio iti qalani eju arge. Inni waan jed'e, Fiit'e utuba Mana Waaqaa d'ai, aka mikhikili balbalaa chochou. Utuba suni fiit'e iraa ch'ach'absi, aka fiit'eeni suni nama arti jiru ch'ufa ira jiddu. Duuba anini nama hafe kaani ch'ufa goraadeeni balleesa, tokoleeni na dura bahe imfiigu.

² Ato worri lafa qote fulla Ekhera d'aqele, harki kiyya inuma d'aqaba. Ato gubba gara Waaqa koranile, anini achilee gaduma buusa.

³ Ato worri fiit'e gaara Karmeli gubbati d'okhatele, anini barbaade worra qaba. Yo worri na duraa deeme baariini keesati d'okhatele, anini jawe baariini iti erge nyaachisa.

⁴ Yo nyaapi worra boojie lafa d'ibi geese, anini goraade iti erge worra hobaasa. Anini ya kutad'e, aka worra inqarqaare, yo balleesu male.

⁵ AABBO Waaqi Guddaani lafa tuqe chochoosa, nami keesa tau ch'ufti imboha. Lafti ch'ufti aka galaana Misiri fach'aate deebiti.

⁶ AABBO Waaqi mana ufii gubbati jaarate, gubba suni lafaani gubbaa tolcha. Inni bisaani baariini gayaame lafa gubbati jissa. Maqaani isaa AABBO Waaqa.

⁷ AABBO Waaqi waan jed'u, Isani worra Israeli naa worra lafa Kushi ira injirtani, isani worraani wolqit'e. Akuma anini lafa Misiri keesaa isani baase, anini worra gosa Filisti lafa Kaftori keesaa baase worra Siriale lafa Kiri keesaa baase.

⁸ Anini, AABBO Waaqi, gosa dabditi tana ta Israeli ilaani tissuu jira, lafale iraa balleesa, ammo ilmaani worraa ch'ufa imfit'u.

⁹ Anini amma seera gabaase worra Israeli aka mid'aani gingilchani gingilcha. Anini gosa ch'ufa keesa worra gingilche qulleesa.

¹⁰ Nama kiyya ka daba tolchu, ka, Hameenni nu ind'aqabu jed'u ch'ufa goraadeeni balleesani.

Aka takaa tana Israeli deebisani

¹¹ AABBO Waaqi waan jed'u, Guyyaani ind'ufa, ka anini mana Daudi, ka jige aka hoosa jiru, deebise fulla isaa ta ch'ach'abde ch'ufa mid'ad'aase jaare aka qara inni jiruti deebisu,

¹² aka akanaani worri Israeli lafa Edomu ta hafteefi lafa d'ibi ta duri nama kiyya dabsatte fud'atu. Nami akasi jed'e AABBO Waaqa, ammalle waan kana isumati tolcha.

¹³ AABBO Waaqi waan jed'u, guyyaani ind'ufa, ka mid'aani ato imuriini kad'ibiini bahani; ammalle ato mid'aani zabibu ka qara daad'i iraa immid'aasiini kad'ibiini bahani. Gaareeni mukha zabibu baaftu daad'iini iraa ch'och'obde, kubile iraa lolaati.

¹⁴ Anini gumi tiyya ta Israeli lafa worrati deebise, worri dira worraa, ka jige aka hoosa tahe, deebise jaarate keesa qubata; worri zabibu oobrate, daad'i iraa d'uge; oobru qote fach'aase, mid'aani iraa nyaata.

¹⁵ Anini gumi tiyya lafa anini iti kenneti oobre, deebiani worra achii imbaasani. Nami dubbi tana jed'e AABBO Waaqa keesani.