Aayubu 8 - KITAABA WAAQA

¹ Jennaani Bildadiini, ka gosa Shuhi, waan jed'e:

² Dubbini tante ta aka qilleensa si keesaa yaatu tunini yoomi buufatti!

³ Waaqi guddaani d'uga imballeesa? Yokhaani qajeeluma iyyaka?

⁴ Hegeri waan ilmaani tante Waaqa durati ch'ubbu tolchiteefi inni gati daba worra kenneefi.

⁵ Amma garagali, Waaqa gudda kad'ad'i;

⁶ yo atini d'uguma nama d'uga qajeela taate Waaqi si qarqaaru indidu, worra kanke ch'ufa sii deebisa.

⁷ Hormaata takaa tana atini horattu, yo agarte, ka qara kaani intufatta.

⁸ Me, qarooma worra duri laali, waan abbootini teenna baratte heregi.

⁹ Guyyaani keenna gabaaba, nu woma tokole imbeennu; nu lafa tana irati akuma gaadisa marraa.

¹⁰ Jaaroleeni duri qaqarooni ha si barsiiftu, waan worri si barsiisu kana ch'aqasi.

¹¹ Ilaaduuni dandeete fulla bisaani injirreeti imbaatu, ch'affa male fulla d'ibiiti inargani.

¹² Hojja bisaani fooqatani, wonti qara gogoga isi, isiini ato ch'araqaatu, ka woma imbaamne gogode baddi,

¹³ nami Waaqa imbeenne illaadu suni fakaata; hojja Waaqa ded'ani abdiini worraa ya badde.

¹⁴ Worri liilana, abdata — sapupa orbobiisaa,

¹⁵ yo worri sapupaati hirkate, inni dandae worra intind'isa? Yo worri liilana qabate, dandae liilana sunini olineja?

¹⁶ Worri hamaani aka marra adu keesaa bahe, oobru ch'ufa qabata.

¹⁷ Ammalle hiddi isaa d'akhaati mamarate, siida d'akha ch'ufa qaba.

¹⁸ Ammo yo buqisani, aka inni duri achi jiru nami dandae imbeekhu,

¹⁹ Ee, gammadi worri ch'ubbuu argatu sunuma — duuba worri d'ibiini d'ufe, fulla isaani fud'ata.

²⁰ Ammo Waaqi nama wollaala inqamne lafa imbuusu, nama ch'ubbu qabule inqarqaaru.

²¹ Inni si gammachiise, duuba atini iyyite kofalta;

²² ammo inni nyaapa kanke ch'eerse, mana worra ch'ubbuu balleesa.