Aayubu 40 - KITAABA WAAQA

¹ AABBO Waaqi waan Ayubuni jed'e,

² Atini Waaqaani morkiti, amma illakifta mo? Waan d'ibi jettu qabda?

^3-4 Jennaani Ayubuni waan Aabbo Waaqaani jed'e, AABBO Waaqa, anini qara aka daalle dubbad'e amma maani dandae sini jed'a?

⁵ Anini qara waan jechu malani ch'ufa ira dabarse dubbad'e, amma dubbi jed'u inqabu.

⁶ Jennaani bubbe keesa AABBO Waaqi ammalle Ayubuni dubbate.

⁷ Kai, aka d'iira oleji, wo si gaafad'a, nati himi.

⁸ Atini aka anini d'uga inqamne garsiisu feeta? Atini nama d'uga ufi tolchite nama d'uga inqamne na tolchu feeta?

⁹ Atini aka kiyya jabaa? Qonqooni tante aka tiyyaa imandiiti?

¹⁰ Yo akasi taate, guddinnaafi ulfinna kanke sunini olkai; guddinnaafi ulfinna kanke suni uyifad'i.

¹¹ Worra kiyyiba ilaali, guddisi iti dallani, tufad'i.

¹² Worra suni ilaali, kiyyiba iraa galchi; fulla ch'ubbichi eju isa bulleesi.

¹³ Biyye keesati worra ch'ufa awaali; hid'i, fulla ekhera geesi.

¹⁴ Yo atini akasi taate, nami qaraa ka si faarse, atini ya qofuma wodabsate sini jed'u, anuma.

¹⁵ Me, gorjama Behemothi jed'ani ilaali; siifi isale anumati uume. Inni aka looni marra nyaata,

¹⁶ ammo nafi isaa akami irree qaba, fooni isaa akami jabaatani!

¹⁷ Eegeni isaa akuma ind'eesa oliqajeelti fooni miila isaa akami jajabaatani!

¹⁸ Lafeeni isaa akuma sibiila diima jabaati, miili isaa akuma ule sibiila jira.

¹⁹ Inni waan anini uume ch'ufa ira jaba! Wonti isa dabsata anuma isa uume ch'alla

²⁰ Marri inni nyaatu gaareeni gubbaati baha, fulla bineensi tabatu.

²¹ Inni mukha qoraati jala boqote, ch'affa illaaduu keesati d'okhata.

²² Mukha qoraatitiifi gaaleeni afaani laga gaadisa isaa taati.

²³ Inni laga yau insodaatu yo bisaani galaana Yordani fuula isaa d'aani inni woma intau.

²⁴ Eenuti dandae ila isa duuche, akasiini isa qaba? Eenuti dandae t'ururaani isa qabe, funani isaa woraana?