Aayubu 36 - KITAABA WAAQA

¹ Ammalle Elihuni waan jed'e,

² Me, diqo obsi, anini Waaqaa dubbad'a, na ch'aqasi.

³ Anini guddo wo beekha; anini beekhuma kiyyaani aka Waaqi na uume, Waaqa d'ugaa si garsiisa.

⁴ Wonti anini jed'u tokoleeni d'ara inqabdu; anini nami si dura eju kunini, aka male wobeekha.

⁵ Waaqi guddo jabeenna qaba! Inni nama tokole intufatu, wonti inni imbeenne injirtu.

⁶ Inni worra ch'ubbu lubbu imbaasu, ammo hiyyeesa waan maleefi kenna.

⁷ Inni nama d'uga qabu qorqorate, fulla hayyooti teetu teesise, haga jiru jireenna ulfinna kennaafi.

⁸ Ammo hojja maro hameenna isanitifi worra sansalatani hid'ani,

⁹ Waaqi ch'ubbufi kiyyiba worraa garsiisa.

¹⁰ Inni gurra worra bane, worra gorse, Hameenna ira deebia jed'aani.

¹¹ Yo worri Waaqa saalfate hojateefi, worri hormatafi nagayaani taa.

¹² Ammo yo worri saalfachufi dide, worri beekha male woraanani dua.

¹³ Nami Waaqa imbeenne dallansu illakisu, yo inni worra gaargalchule qarqaarsa inkad'atani.

¹⁴ Ato kaimaatu duani, ch'eeraani hobaani.

¹⁵ Ammo Waaqi gaargalaani wo nama barsiise, d'ipuni ila namaa bana.

¹⁶ Waaqi gaargala keesaa si baase, nagaya sii kenne si gammachiise; ammalle sagale guddo si kenne si quubsa.

¹⁷ Ammo amma tana waan sii male, gaargala ya argate.

¹⁸ Ufi eegad'i gumbooni si sobde, beeseeni kara d'uga iraa si imballeesini.

¹⁹ Ato atini qarqaarsa bootele woma inargattu, irreeni tante ta duri amma si inqarqaartu.

²⁰ Halkani ind'araini hojja gochiti hobaatu.

²¹ Eegad'i, aka garagalte ch'ubbu keesa inseene; aka ch'ubbu ira si d'owanifi gaargala kana siti ergani.

²² Qabad'i aka irreeni Waaqa guddo. Eenuti aka isaa dandae wo barsiisa?

²³ Eenuti, Akana tahi isani jed'a? Yokhaani eenuti ya woyakite jed'aani?

²⁴ Maro huji isatifi guyya ch'ufa isa faarsani atinileeni isa faarsu malte.

²⁵ Nami ch'ufti waan inni tolchu ya arge, ammo nami tokoleeni ka waan suni ch'ufa hubatu injiru.

²⁶ Nu dandeenne guddinna Waaqa ch'ufa inhubannu, yokhaani ganna isaa haga imbeennu.

²⁷ Waaqati bisaani lafaa fuud'e bokaya tolcha.

²⁸ Ammalle bokaya suni dumansa keesa roobe, nama ch'ufa bisaanini bad'aasa.

²⁹ Nami tokoleeni, ka aka dumansi deemufi aka mandisuuni gubba gara Waaqati manditu, beekhu injiru.

³⁰ Inni angaasu gubba ch'ufati angae, ammo d'immuuni bisaani dukana keesati hafti.

³¹ Aki inni nama gololche, sagaleeni nama quubsu akana.

³² Inni harka ufitini, angaasu qabate, qaweeni wo tarsaasa.

³³ Mandisuuni bokaya d'ufu himti, loonileeni aka inni roobu imbeekhani.