Aayubu 35 - KITAABA WAAQA

¹ Jennaani Elihuni waan Ayubuni jed'e,

² Jechi atini, Anini nama d'uga ufiini jettu kunini, Waaqa durati dansa seeta?

³ Yokhaani yo atini Waaqaani, ch'ubbuuni tiyya maani si tolchiti, yokhaani yo anini ch'ubbu lakise maani argad'a jette, akasi dansa?

⁴ Anini ammatana siifi jaalani tante waan jed'uuni qaba.

⁵ Gubba millad'i, aka dumansi olfago ilaali!

⁶ Yo atini ch'ubbu tolchite ch'ubbuuni Waaqa wo tolchiti? Yo atini maro heddu ch'ubbu tolchitele maani dandeete Waaqa tolchita?

⁷ Yo atini nama d'uga taate maanini Waaqa qarqaarta? Wonti Waaqi sira fed'u injirti?

⁸ Nami maro ch'ubbu tanteetifi gaargala argatu nama aka kanketi, yo waan dansa tolchitele nami qarqaarsa argatu isuma.

⁹ Nami Hojja dabsani iniyya; worri iyye nyaapa dura nu baasa namaani jed'a.

¹⁰ Ammo worri Waaqa worra uume, ka gaargala keesale worra qarqaaru, qarqaarsa inkad'atu.

¹¹ Worri Waaqa bineensafi simpirre ch'ufa ira qalbi nuu kenne inkad'atu.

¹² Worri iyye Nu qarqaari jed'a, ammo Waaqi jalaa inqabu, wonti akanatiifi worri ch'ubbicha, ammalle kiyyiba qaba.

¹³ Wonti worri bohufi injirtu, wonti akanatiifi Waaqi guddaani worra ind'agayu, yokhaani worra inargu.

¹⁴ Ayubu, atini anini Waaqa dandae inargu jette; obsi, waan inni sii tolchu eegi.

¹⁵ Atini waan Waaqi nama ingaargalchine seeta? Yokhaani waan inni ch'ubbicha odu inkaamne seeta?

¹⁶ Atini waan jettu imbeetu, tanaafi wonti atini teete dubbatufi injirtu.