Aayubu 30 - KITAABA WAAQA

¹ Ammo amma tana nama diqa hariya tiyya intahiiniti na goyeesa. Anini worra suni duri abbooti worra tufad'e, sare ree tiyya tissituleti indaru.

² Worri sunini ufiftu ya hobae, maani na baha?

³ Worri hiyyoomate belae, hidda gogeesa halkani lafa alooti nyaachu fed'a.

⁴ Worri mukha lafa aloo bubuqise nyaate, hidda gurbi ka imiomnele!

⁵ Nami ch'ufti worrati iye gusse, akuma hattu iti iyyaani gussani.

⁶ Worri goda d'akhayetifi boola d'akhaye keesaa qotanile keesati gala.

⁷ Lafa aloo keesati aka harre baroodani, gurbi jaalati wolti mamat'ane ch'iisa.

⁸ Worra woma imbeenne, ka maqa inqamne, lafa keesaa gussani!

⁹ Duuba amma ilmaani worra suni d'ufte na kofalti; worri woma na insehu, tanaafi na goyeesa.

¹⁰ Worri na tufate, nati d'iaachu dide hanch'ufa fuulati na tufa.

¹¹ Waan Waaqi na laafise irre na d'owefi, worri aka male nati dallane.

¹² Worri seseegi akana kunini na lakisu dide, na gusse, lafa ira na balleesu fed'a.

¹³ Worri fiigu na d'owe na balleesu fed'a, nami nara d'owu injiru.

¹⁴ Worri fulla ch'ufaani nati baafate, nara bue na balleesa.

¹⁵ Anini aka male mudame, gurri kiyya aka qilleensa bade, duroomi aka dumansa ya naraa dabre.

¹⁶ Anini amma la duu gahe, gaargali kiyya ya nati guddate na lakisu dide.

¹⁷ Halkani ch'ufa lafeeni na d'ukubde, d'ukubi hojja ch'ufa tae na nyaatu, naraa badu dide.

¹⁸ Waaqi fiit'e woya na qabe, woya tiyya mich'iire aka iraa gorse.

¹⁹ Darbe, d'oqe keesa na buuse, anini awaarafi daara tahe.

²⁰ Ee Waaqa, anini si yaamad'a, ammo atini na jalaa didda; yo anini si kad'ad'ule, atini na jalaa inqabdu.

²¹ Atini aka hama naasu male na dabsita, atini irree tante jabduuni na gaargalchita.

²² Atini bubbe nati ergite, isiini na butte, bubbeeni sunini na d'oofte lafa na marsiti.

²³ Anini imbeekha, atini duuisati na geesu jirta, fulla nami ch'ufti d'aqu.

²⁴ Atini nama bade, ufiftu tae naasu ch'alla kad'atu, maafi teete haata?

²⁵ Anini duri nama gaargala qabu woliini bohe, hiyyeesaa innaane?

²⁶ Hojja anini waan dansa barbaade, waan hamtu argad'e; hojja anini ifsa eegad'e dukanati nati d'ufe.

²⁷ D'ipufi heregi ya lafaa na hobaase; guyya ch'ufa gaargalumati nati d'ufa.

²⁸ Lafti nati dukanoofte, adu argu dad'abe; anini gumi dura eje qarqaarsa kad'ad'a.

²⁹ Waheli kiyya geedalaafi guchi.

³⁰ Gogaani kiyya guraatae naraa luqae, nafileeni ch'ufti na qand'ate.

³¹ Fulla duri sirba gammada iti d'agau, amma tana oannafi boha d'agaya.