Aayubu 3 - KITAABA WAAQA

¹ Duuba eege Ayubuni dubbate guyya d'alate abaare,

² waan jed'e,

³ Guyyaani anini d'alad'e ha baduti, halkani gurbaani ya d'alate jed'anileeni ha badaniti!

⁴ Guyyaani suni ha dukana tahuti! Waaqi gubba guyya suni deebie inqaabatiini; ifsaani deebie iti inifsiini!

⁵ Guyyaani sunini ha gaandidae dukanauti; dumansi ha ira tahe, adu d'osse dukaneesuti.

⁶ Halkani suni ha dukanti liqimsituti, ha bulti wogaatiifi ta jiale ch'ufa keesa kutaniiti!

⁷ Halkani suni ha duwa taaniti, qonqo gammada keesati ind'agayini.

⁸ Worri guyya abaaru, ka gorjama kaasu, ha guyya suni abaaruti.

⁹ Bakalchi isaa ka ganama ha dukanauti; guyya suni biiftuuni baate lafti inguyyaini,

¹⁰ waan guyyaani suni d'aloota kiyya oolche, ila tiyya gaargala argu ind'owiiniifi.

¹¹ Anini maafi akuma d'alad'eeni induiini, yokhaani maafi garaa haad'a tiyya keesa bahu indidiini?

¹² Haati tiyya maafi ufira na teesifte? Isiini maafi harma na hoosifte?

¹³ Ato gaafasi due, amma sila ya hafuura baafad'e.

¹⁴ Anini sila yayu aka hayyootafi jaarole duri ta mana hayyu ka amma bade ona tahe kana jaarte, rafe.

¹⁵ Anini sila qaalole mana ufii worqifi qarsiini guute ufira rafte faakad'a.

¹⁶ Yokhaani daima garaati due, ka woma tokole quba inqamne, fakaad'a.

¹⁷ Awaala keesati nami hamaani gaargala dura bahe, nami dad'abi qabu hafuura baafata.

¹⁸ Achi keesati worri hid'aansa keesa jiruleeni gammade, iyyana nama worra hojachiisu jalaa baha.

¹⁹ Achi keesa nami diqaafi guddaleeni fulluma taka taa, tisseleeni achiti balchuma argatti.

²⁰ Nama ufiftu gaargala keesa jiru maafi deemanini? Nama d'ipu deesa jiru maafi ifsa iti kennani?

²¹ Worri duu fed'a, ammo dooti iti ind'uftu, beese biyye keesa olkeyatani ira awaala qotani barbaadani.

²² Worri haga due awaalaniti ingammadu;

²³ Waaqi maafi nama karaani iti hid'ame lafti iti duufate jireenna kennaafi?

²⁴ Fulla sila wo nyaad'u tae boha, hojja ch'ufa waad'e imimaani na keesaa yaani.

²⁵ Wonti anini sodaad'u na d'aqabde, ta anini ded'uleeni nati d'ufte.

²⁶ Anini nagaya inqabu, hafuura imbaafad'u, gaargali kiyya ind'umatu.