Aayubu 28 - KITAABA WAAQA

¹ Fulla qarsi qotanifi boolati jira; fullaani worqi iti qulqulleesanileeni injirti.

² Sibiila guraacha, lafa keesaa qotani, sibiila diimale d'akha iraa baasani.

³ Nami fulla guddo dukanootule keesa wobarbaade qile boolale keesa d'akha qota.

⁴ Nami aka male fagaate, fulla miili namaa taka ingahiini ch'ufa d'aqe, lafa qote, sibiila keesa barbaade, achiti fulla namu injirre haada gula gadibue boola keesaa wo qota.

⁵ Sagaleeni lafa irati baate, ammo lafuma suni, jala isii qotani garagalchani.

⁶ D'akhayeeni lafa dooqa qabdi, awaarti isiileeni worqi qabdi.

⁷ Allaatiini kara d'ossa suni inagartu, qoreleeni arti gubba imbariftu.

⁸ Nyeench'i, yokhaani bineensi janni aka isaaleeni, kara ch'eekhicha suni maro tokole gula indeemu.

⁹ Nami d'akhaye jajabdu ch'ach'abse gaareeni jala qote buqisa.

¹⁰ Inni ato d'akha qotu d'akhaye ch'uch'ulut'u arge.

¹¹ Fulla galaani iraa bau qotani, waan d'ossani ch'ufa mullisani.

¹² Ammo qarooma Eesa argani? Hubachaani eesati galti?

¹³ Qarooma dandaani nama keesati inargani? Nami waan qaroomi namaa bahu beekhu injira?

¹⁴ D'immuuni bisaani qaroomi na keesa injiru jetti baariinileeni inni na keesa injiru jed'a.

¹⁵ Dandaani qarsifi worqileeni imbitani.

¹⁶ Ammalle worqi dansaafi d'akhayeeni ch'ulut'uleeni haga isa woma imbaatu.

¹⁷ Inni worqi ira jira, dooqafi wonti worqiini mid'aasanileeni haga isa ingeetu.

¹⁸ Qaroomi d'akha adiifi d'akha ch'uluqafi, d'akhaa diima ch'ulkichale ira jira.

¹⁹ D'akha had'ichafi worqi qulqulloole dandaani qaroomani wolbira inqabani.

²⁰ Qaroomi eesaa baha re? Hubachaani eesati galti?

²¹ Wonti lubbu qaba ka dandae qarooma arga injirtu, wonti gubba barisaleeni dandeete inargitu.

²² Badifi dootileeni, Odu isaa ch'alla d'ageenne jetti.

²³ Waaqa ch'allati kara isaa hubate, fulla inni bahufi beekha,

²⁴ wonti akanatiifi inni muumme lafatifi waan lafa gubba jira ch'ufa inarga.

²⁵ Gaafa Waaqi bubbee irre kenne, baariinile biime mid'aase,

²⁶ gaafa inni seera bokaya kaye, kara mandisuuni gula deemtule mid'aase,

²⁷ gaafasi inni qarooma arge ilaalate, dansuma isaa arge quufe.

²⁸ Waaqi waan namaani jed'e, sodaani Waaqaa qarooma, ch'ubbu lakisitini hubacha.