Aayubu 18 - KITAABA WAAQA

¹ Jennaani Bildadiini, ka gosa Shuhi, waan jed'eeni:

² Nami aka keeti kunini yoomi afaani qabata? Yo atini ch'allifte nu ch'aqafte, nu wo siti himna.

³ Atini maanifi daalle aka looni nu seeta?

⁴ Atini maafi ufuma teete dallansuuni ufi d'ukubsita? Lafti dallansu teeti jette duwa taati? Waaqi sii jed'e gaara chochoosa?

⁵ Ifse nama ch'ubbuu inuma d'aanfani, ibidi isii deebie imbobau.

⁶ Ifsaani waaro isaa gaandidae, ifseeni isaa bira ejitu d'aamti.

⁷ Ejati isaa qara jajaba, ammo amma ingugufata; maluma isaati isa balleese buusa.

⁸ Inni t'urura keesa seene, t'ururaani miila isaa qaba;

⁹ qaampari hirba isaa qabe isa chochou d'owa.

¹⁰ Lafa irati t'urura d'ossani, qaampara kara keesa kayaniifi.

¹¹ Gama ch'ufa waan isa mudamsiisuti isa eegate, fulla inni deemu ch'ufa gula deema.

¹² Inni duri dureesa, ammo amma ya wo d'abe; gaargali d'aatu tae isa eegata.

¹³ D'ukubi hamaani nafa isaa qabate, harkaafi miila isaa shamse ajeesa.

¹⁴ Waaro inni nagayaani keesa tahu keesaa hirkisani, boola Duati geesani.

¹⁵ Amma tana abbaani fed'u ha waaro isaati galuti eegi dillo iti naqani qulqulleesanini.

¹⁶ Hiidi isaa jalati gogoge, dameeni isaa gubbaati qanch'oorati.

¹⁷ Gurri isaa lafa keesaa badde, maqa isaa lafa keesaa d'abani.

¹⁸ Isa lafa keesaa baasani, ifsa keesa dukanati geesani.

¹⁹ Inni gosa isaa keesa ilmaani inqabu, nami isaa ka hafe injiru.

²⁰ Nami ilaborutiifi ka ila aduu ch'ufti baddi isaa d'ageennaani mudame holata.

²¹ Sunini baddi worra ch'ubbichati worri Waaqa imbeenne fulla suni yaa.