2 Samueli 6 - KITAABA WAAQA

¹ Ammalle Daudini askarti Israeli nama kuma sodoma jaba file yaame

² Baala, ta lafa Yuda keesa jirtu geese, aka Sanduqa Wold'aqisa Waaqa, ka maqa AABBO Waaqa gudda, ka barch'umani isaa akheekha waan lubbu qaba ka khoola gubba jiru achi fuud'ani.

³ Worri Sanduqa suni mana Abinadabu ka gaara gubba jiru fuud'e, gaari hareesa ka karaabdi hirkiftu gubbaa kae. Uzafi Ahiyoni, ilmaani Abinadabu, gaari suni oofte,

⁴ ka Ahiyoni dura deemu.

⁵ Daudifi worri Israeli ch'ufti aka jaba sirbe AABBO Waaqa faarse guddise kiraarifi dibbefi buqe mich'iraani ch'ach'akiftufi bilbila d'aani sirbani.

⁶ Worri fulla oobdi ta Nakonitini bahe jennaani karaabdi gugufate, Uzani saame, Sanduqa Wold'aqisa gaari irati qabe.

⁷ AABBO Waaqi Uzati dallane hojuma suni isa ijeese, waan inni wollaala tolcheefi Uzani achumati d'aatu Sanduqa Wold'aqisati due,

⁸ Tanaafi fulla suni arti asi Perez-Uza jed'aniini. Daudileni waan AABBO Waaqi Uza dallansu keesa ijeesefi guddo dallane.

⁹ Jennaani Daudini AABBO Waaqa sodaate waan jed'e, Anini akami amma Sanduqa Wold'aqisa fuud'a?

¹⁰ Duuba inni Yerusalemu ingeesu jed'e, Kara ira goreni mana namicha toko ka Obed-Edomu jed'ani, ka lafa Gethati lakise.

¹¹ Sanduqi suni jia sadi achi tae, duuba AABBO Waaqi Obed-Edomufi worra isa ch'ufa eebise.

¹² Daudini aka AABBO Waaqi worra Obed-Edomutifi waan inni qabu ch'ufa maro Sanduqa Wold'aqisatiifi eebise d'ageennaani, Sanduqa Wold'aqisa mana Obed-Edomu suni keesa fuud'e, gammada guddaani Yerusalemuni d'ufe.

¹³ Worri Sanduqa baatu ejata jaa durati yae jennaani Daudini worra ejachise, korma loonitifi raada gabbo qale sorio AABBO Waaqaa baase.

¹⁴ Daudini ka woya boofta ch'alla mart'ifatu aka male sirbe AABBO Waaqa guddise.

¹⁵ Duuba akanaani isaafi worri Israeli ch'ufti Sanduqa Wold'aqisa fuud'ani, magalata d'aani, lalabani sirbani, Yerusalemu geesani.

¹⁶ Ato Sanduqa suni diratini yaanu, intalti Saulo, Mikalini, qaa manatini milatte, aka Daudini AABBO Waaqa durati sirbe ch'ech'eu agarte jennaani isa tufate.

¹⁷ Duuba worri Sanduqani d'ufe waaro Daudini jaarefi keesa fulla isaa mid'aasani kae. Daudileni waan gubani sorio baasanifi sorio wold'ageeti AABBO Waaqaa baase.

¹⁸ Eegi inni sorio suni ch'ufa baase inni maqa AABBO Waaqa guddatini biyya eebise,

¹⁹ Sagale tana nama ch'ufa d'iirafi nad'eeni Israeliti qoode: Sagaleni sunini qit'a, fooni wat'alatifi zabibu gogoddu. Duuba nami ch'ufti kae worra ufiti gale.

²⁰ Eegi suni Daudini worra ufi eebisu d'umnaani Mikalini fuula keesa d'ufte isa miiti waan jette, Hayyuuni Israeli yayu ara gurra baafate! Inni akuma daalle ijoolle dubra ta tisse isa durati qulla deeme.

²¹ Daudini waan jed'eeni, Anini AABBO Waaqa ka abbeetifi worra keesani lakise na fohate gudda worra Israeli na tolche durati sirbu jira. Ammalle akuma kana deebie isa durati sirbe,

²² haga qarale ira ufi ch'eersa. Atini woma na inseetu, ammo dubarti sunini nama gudda na seeti,

²³ Mikalini, intalti Saulo, deebite ind'alle.