1 Samueli 31 - KITAABA WAAQA

¹ Worri Filisti worra Israeli gaara Dilboa irati had'e, worra Israeli heddu artiti fit'ani, ka hafeleeni Saulofi ilmaani isaa woliini baqatani.

² Ammo worri Filisti worra baqate kaani reebe d'aqabe ammalle Yonathanifi Abinadabufi Malkishuaa ilmaani Saulo sadeeni fit'e.

³ Had'iisi fulla Sauloni jiruleeti jabaate isale t'iyaani worranani aka hama madeesani.

⁴ Inni waan nama miha isaa ka lola isa jala baatuni jed'e goraade tante qalqala keesaa fud'ad'i, lubbu na kuti, aka worri waaqa imbeenne kunini na qabe nati tabate na inijeemne. Ammo namichi sunini mudame isa ijeesu dide. Jennaani Sauloni gorade ufii fud'ate ufi jala d'aabe iti dirme.

⁵ Namichi kaani aka Sauloni due arge jennaani innileeni akuma suni ufi ijeese, akasiini isaafi Sauloni woliini duani.

⁶ Aki Saulofi ilmaani isaa sadeenifi namichi miha isaa baatuleeni duani akasi; worri Saulo ch'ufti guyya suni hobae.

⁷ Worri Israeli, ka bale Yezreelitini gama jirufi ka galaana Yordani ilaboru jiru aka askartini Israeli baqate Saulofi ilmaani isaa fit'ani d'ageennaani, dira ufi lakise baqate. Jennaani worri Filisti d'ufe dira suni ch'ufa fud'ate.

⁸ Boriyyaate worri Filisti reefa worra Israeli miha ira hikhachu d'ufe jennaani reefa Saulotifi ka ilmaani isaa sadeeni, ka gaara Gilboa ira ch'iisu argani.

⁹ Saulo mata ira kutani miha isa ka lola ch'ufa iraa hikhatani miha suni lafa worra Filisti ch'ufa keesa namaani ergani, aka odu dansa suni mana waaqa worraa keesafi nama worraa ch'ufati himani.

¹⁰ Miha isaa ka lola mana waaqa worraa ka Ashtorethi jed'ani keesa kayani, nafa isaa dira Beth-Sani keesati fannisani.

¹¹ Worri Yabeshi ka dira Gileadi waan worri Filisti Saulo tolche d'agaye jennaani,

¹² Nami janni ch'ufti halkani suni ch'ufa Beth-Saniti yaa bulani. Achini bahani jennaani reefa Saulotifi ka ilmaani isaa dira suni keesaa guurani, Yabeshi geesani achiti gubani.

¹³ Jennaani ammalle lafele worraa wolti guurani mukha toko ka dira keesaa jiru jalati awaalani, duuba guyya torba ufi agabsani.