1 Samueli 28 - KITAABA WAAQA

¹ Bara suni worri Filisti nama wolti baase worra Israeliti duule. Jennaani Akishini waan Daudini jed'e, Atini imbeetaniti aka sifi jari kankeleeni duula kiyyati daramtani woliini duultani.

² Daudini waan jed'eeni, Ee hataatuti, anini qarale hojatuma tante, waan anini tolchu dandau inuma agarta. Akishini waan jed'eeni, Hataatuti, guddo dansa anini haga jiru, si male nami d'ibiini na intissu.

Aka Sauloni falfatiti toko wogaafate

³ Bara Samuelini due kaani worri Israeli ch'ufti boheefi, dira isaa ka Rama keesati isa awaale. Jennaani baruma suni Sauloni nama wohimufi falfaltu ch'ufa irreeni lafa Israeli keesaa baase.

⁴ Worri duula Filisti wolti bahe d'aatu dira Shunemu qubate; Sauloleeni worra Israeli wolti baase, worrileeni fulla gaara Gilboa qubate.

⁵ Sauloni duula Filisti arginaani guddo sodaate,

⁶ waan tahuu male AABBO Waaqa gaafate. Ammo AABBO Waaqi qara kara sadeeniini isaani dubbi dide: oobju, Urimufi Thumimuni yokhaani raagoota.

⁷ Jennaani Sauloni waan hojattu isaatini jed'e, Niiti falfala beetu naa barbaadi, anini woi gaafachu fed'a. Worri waan jed'eeni, Lafa Endori keesa niiti waan akasi beetu jira.

⁸ Jennaani Sauloni nama d'ibi ufi fakeese, woya jijirate, halkani nama lama fud'ate, niiti suni argu d'aqe, waan jed'eeni, Ekhera woi na gaafad'i, nama anini maqa d'ae na gadi yaami.

⁹ Niitiini waan isani jette, Atini waan Sauloni tolche imbeetu, ka inni nama wohimufi falfaltu ch'ufa irreeni lafa Israeli keesa baase? Atini maanifi t'urura keesa na buufte na ijeesu feeta?

¹⁰ Jennaani Sauloni isiiti kakhate waan jed'e, Anini maqa AABBO Waaqatini kakhad'a aka hojja atini waan kana naa himtele woma si intolchini.

¹¹ Jennaani niitiini waan jette, Eenu si yaama re? Jennaani inni, Samueli na yaami jed'e.

¹² Niitiini Samueli agarte jennaani iyyite lafa garagalchite, waan Sauloni jette, Atini maanifi akana na sobda, atini Sauloniti?

¹³ Hayyichi waan jed'eeni, Insodatini, maani agarte? Isiini waan jetteeni, Anini ekhera lafa keesaa bau jirtu arge.

¹⁴ Inni isiini maani fakaati? jed'e gaafate. Isiini waan jetteeni, Jaarsa ubaara d'eera ufira qabu toko arge. Jennaani Sauloni aka inni Samueli beekhe, durati jilbifate guddise.

¹⁵ Samuelini waan Sauloni jed'e, Atini maanifi na gaargalchite ch'iisu na d'owarte na yaamta? Sauloni waan jed'eeni, Gaargala guddati harkaa na qaba, worri Filisti na had'u jira Waaqi ya na lakise. Inni amma yayu raagafi oobjuleeni nani dubbachu dide. Tanaafi si yaame aka atini waan anini tahuu male nati himtu.

¹⁶ Samueli waan jed'eeni, Atini eegi AABBO Waaqi si lakise nyaapa siti tahe maanifi na yaamta?

¹⁷ AABBO Waaqi yayu waan kanke ka inni duri nani jed'e, Aninileeni siti hime guute: inni yayu huji hayyuma siraa fuud'e Daudii kenne.

¹⁸ Waan atini dubbi AABBO Waaqa dide worra Amalekitifi waan worri qabu ch'ufa balleesu diddeefi AABBO Waaqi ammatana akana si tolchu jira.

¹⁹ Inni sifi worra Israeli ch'ufa harka worra Filistiti kenne, duuba bori siifi ilmaani tanteeleni ch'ufti fulla tiyya d'uftani. Ammalle AABBO Waaqi askarti Israeli ch'ufa harka worra Filistiti kenna.

²⁰ Hojuma suni Sauloni dubbi Samuelini isani jed'e suni d'ageennaani aka hama rifate lafa d'ae. Inni waan laafe, wonti akanatiifi halkanifi guyya suni woma insooranne.

²¹ Niitiini taani fulla Saulo d'ufte aka inni aka male mudame arginaani waan jetteeni, Aabbo, anini lubbu tiyya jibbaad'e waan atini tolchi nani jette sii tolche.

²² Amma waan anini siraa fed'u na tolchi anini sagale si d'aaba, ta atini nyaate jajabaate karaani kutu; sagale suni naraa fud'ad'i.

²³ Ammo inni dide waan jed'e, Anini woma tokole inyaad'u. Ammo jari isaleeni iti d'owe nyaad'i jed'eeni, Duuba eege inni ee jed'e lafaa kae sire ira tae,

²⁴ jennaani niitiini hurifte lafaa kaate raada gabbo toko qalte, dargaye daakhani fuute, qit'a bukho inqamne d'aabdeefi.

²⁵ Duuba sagale suni fuute Saulofi jara isati kennite, worri nyaate halkanuma suni kae iti d'aabate.