1 Samueli 14 - KITAABA WAAQA

¹ Guyya toko Yonathani waan namicha kaima ka miha isa ka lola isa jala baatuni jed'e, Me gara olla Filisti suni nu yaasi. Ammo Yonathanini abba isaa Saulo iti inhimne.

² Sauloni gaafasi mukha okhoku ka Migroni ka d'aatu Gibea, jala qubate. Inni askarti d'ibba jaa geetu qaba.

³ Qaallichi woya qaallu ta aka korba hid'atanini deemu Ahiya, ilma oboleesa Ekabodi ka Ahitubu jed'ani, innileeni ilma Finehasi ka ilma Eli qaallu AABBO Waaqa, lafa Shilo keesa. Biyyitileeni aka Yonathani deeme quba inqabdu.

⁴ Kaarra Mikimashi ta Yonathanini hojja olla Filistiti deemu, keesa dabru male, d'akha gugurda qara qaqabuti moga lachu ejaanja; toko Bosesi, kaanileni Sene jed'ani.

⁵ Toko gama Mirga gara Mikimashi fuula deefate taa, kaani gama bita Gebati fuula deefate taa.

⁶ Yonathanini waan kaimticha kaaniini jed'e, Olla worra aada inqamne, ka gura inuranne, suniti nu yaasa. Hegeri AABBO Waaqi nu qarqaara; yo inni nu qarqaare wonti worra dabsachu nu d'owa injirtu, ato nu nama diqa taanele.

⁷ Kaimtichi kaani waan jed'eeni, waan feetu tolchi, anileeni si duuba jira.

⁸ Jennaani Yonathani waan jed'eeni, Nu taakine worra Filisti ufi agarsiifna.

⁹ Yo worri, Haga nu d'umnuti nu eega jed'e, ineenna fulla tana inchochonu.

¹⁰ Ammo yo worri Nuti koota jed'e, iti oli korra; sunini akheekha nuu taati aka AABBO Waaqi worra harka keennati kennu.

¹¹ Duuba worri lachu worra Filisti ufi agarsiimnaani worri Filisti waan jed'e, Ilaala? Worri Ebrania, ka qara boola keesati d'okhate, tokooni gadi bauti jira!

¹² Jennaani Yonathanifi wahela isaa iti iyyani yaamani waan jed'ani, koota arma gadi, wo isani garisiimna. Yonathanini waan wahela isatini jed'e, Na gulla kooti, AABBO Waaqi ya worra harka Israeliti kenne.

¹³ Yonathanini kaarra taani harkaafi jilbaani olkore, kaimtichi kaaleni isa gula olkore. Yonathanini Filisti had'e lafa d'abbe namichi kaima kaaleni faana d'ufe fit'e.

¹⁴ Baraqeti qara suni keesa Yonathanifi kaimtichi kaani nama diddama lafa haga olmaa sanga toko keesati, fit'ani.

¹⁵ Worri Filisti ka lafa suni keesa jiru ch'ufti aka taka inargini nahe shifta worraatifi askartini olla suni keesa jirtu ch'ufti hollate; laftileeni chochote nami ch'ufti aka hama mudame.

Aka worra Filisti dabsatani

¹⁶ Worri eeddo Saulo ka Gibea lafa Benjamini keesa jiru worra Filisti ka gara qajeele baqatu wollaale akanumati lafa maru arge.

¹⁷ Jennaani Sauloni waan nama isaa ka isa woliini jiruni jed'e, askarti wolti yaama tohad'a, nama keesa injirre laala. Worri tohanani Yonathanifi kaimticha miha isaa ka lola kaani isa jala baatu d'abani.

¹⁸ Sauloni waan qaallicha Ahiyaani jed'e woya woyyu ta qaalluuni aka korbo hid'atuuni kooti. (Guyya suni Ahiyaani woya suni baate worra Israeli duraani deema.)

¹⁹ Ato Sauloni qaallicha sunini dubbatu, gohaanti olla Filisti keesaa d'uftu haga qarale ira dabarte; duuba Sauloni waan isaani jed'e, Ufira yaala bahi, yoi nu AABBO Waaqa gaafannu injiru.

²⁰ Jennaani Saulofi jari isaa wolti bahani worra Filisti, ka lafti iti dudud'e ufuma tae wolballeesu had'u d'aqani.

²¹ Worri Ebrania ka gari ka qara goli worra Filisti tahe, olla worrati gale iti garagale goli Saulotifi Yonathani tahe.

²² Ka d'ibiini ka qara gaareeni Efraimu keesati d'okhatu, aka worri Filisti baqate d'agaye jennaani worrileeni garagale, lola keesa seene worra Filisti had'e.

²³ Lola guyya suni ka Bethaveni dabrani gamale wolhad'ani keesa, AABBO Waaqi worra Israeli baase.

Waan eegi loli hobae tahe

²⁴ Guyya suni worra Israeli guddo beelti laafifte, maro Sauloni worra kakhachise seera kana worrati baaseefi: Nami haga anini nyaapa kiyya haalo baafad'uti guyya kana sagale nyaate ha abaaramuti. Tanaafi nami tokoleeni sagale inyaanne guyya suni.

²⁵ Jennaani askartini ch'ufti lafa mukha qabdu ta badda duudde kinniisa fulla ch'ufati garte

²⁶ fulla ch'ufa dammati jira, ammo nami tokoleeni inyaanne maro abaarsa Saulo sodaatanifi.

²⁷ Ammo Yonathanini aka abbaani isaa nama abaare ind'ageenne; tanaafi ule harkaa qabu damma keesa kaye nyaate jajabaate.

²⁸ Jennaani namichi toko waan isaani jed'e, Nu ch'ufa ya beelti laafifte ammo abbe nu seere waan jed'e, Nami arra sagale nyaate ha abaaramu nuni jed'e.

²⁹ Yonathanini waan jed'e, Wonti hamtuni aabbooni worra keenna tolche kunini maani? Aka anini eegi damma kana nyaad'e jajabaad'e laali.

³⁰ Sila worri keenna kunileeni akami jajabaata ato sagale nyaapa ira boojie suni nyaate. Sila ato worri sagale suni nyaate worra Filisti hagasi ira ijeesaniniti?

³¹ Guyya suni worri Israeli worra Filisti dabsate haga Mikimashi had'e Ayaloniti d'aabe. Duuba worra guddo beelti laafifte,

³² tanaafi waan nyaapa ira boojiani kaaniti oriani, hooliyeefi looni fuud'ani achumati qaqalani, fooni d'eed'i ka d'iiga qaba nyaatani.

³³ Jennaani waan Sauloni jed'ani, Laali, biyyiti ya fooni d'iiga qaba nyaate, AABBO Waaqati ch'ubbamte. Sauloni waan worraani jed'e, Isani yayu kakhu ch'absitani na balleesitani, d'akha gudda toko assi gangalcha.

³⁴ Jennaani inni waan jed'e, Beena biyya keesa yaa waan jettaniini, loonifi hooliye teesani armaani koota, qaqala nyaad'a; fooni d'iiga qaba nyaattani AABBO Waaqati inch'ubbamiina. Duuba halkani suni nami ch'ufti looni ufitini d'ufe achiti qaqale.

³⁵ Jennaani Sauloni fulla sorio iti qalani AABBO Waaqaa jaare; marooni qara ta inni waan akasi jaare tana.

³⁶ Sauloni waan jara isaatini jed'e, Koota, gadi buune, halkaniini worra Filisti haane hobaamne, haga lafti bariituti ira woi saamna. Jennaani worri, waan atini feetu tolchi jed'eeni. Ammo qaallichi waan jed'e, Eegi, qara Waaqa gaafanna.

³⁷ Duuba Sauloni Waaqa gaafate waan jed'e, Worra Filisti inhaana? Atini worra harka keennati inkennita? Ammo Waaqi guyya suni worraa qonqo womatu indeebifneefi.

³⁸ Duuba Sauloni worra gugurda biyya dura yauni waan jed'e, Arma koota, ch'ubbu ara tolchani laala.

³⁹ Anini AABBO Waaqa tokocha jiru, ka Israeli dabsacha kenneeni kakhad'a aka nama wollaala qabu ch'ufa ijeesani, ato inni gurba kiyya Yonathani tahele. Ammo nami tokoleeni woma injenne.

⁴⁰ Duuba Sauloni waan worraani jed'e, Isaniini ch'uftinu achi akana ejaanja, anaafi Yonathanini arma ejaanjina. Jennaani worri, waan atini feetu tolchi jed'eeni.

⁴¹ Sauloni waan AABBO Waaqa Israelitini jed'e, AABBO atini arra maafi dubbi na jala qabu didda? AABBO, Waaqa Israeli, d'akha woyyumatiini naani dubbad'i. Yo ch'ubbuuni ta Yonathani yokhaani tiyya taate, Urimuni naani dubbad'i; ammo yo isiini ta gosa tante ta Israeli taate, Thumimuni naani dubbad'i. Jennaani dubbini Yonathanifi Saulo qabatte, biyyiti taani qulqullo jalaa bate.

⁴² Duuba Sauloni waan jed'e, Naafi ilma kiyya Yonathani garagara baasa, duuba Yonathani wollaala irati argani.

⁴³ Jennaani Sauloni Yonathanini, maani tate? jed'e gaafate. Jennaani Yonathanini waan jed'eeni, Anini damma diqa toko nyaad'e. Anini kunooti yo feete na ijeesi.

⁴⁴ Jennaani Sauloni waan isani jed'e, Waaqi na ijeesinna, hojja ani sii ijeesu baad'e!

⁴⁵ Ammo biyyiti waan Sauloni jette, Yonathani, nama nyaapa keenna dabsate Israeli baase ijeesu malani? Hiyo! Nu maqa Waaqa jirutini kakhanna dua lakisi, aka rifeensi Yonathani tokoleeni lafa imbune. Inni waan arra tolche kana qarqaarsa Waaqatini tolche. Akanaani biyyiti Yonathani lubbu baafte.

⁴⁶ Eegi suni Sauloni worra Filisti reebu lakise, worri lafa ufiti dachae.

Waan worra Saulo

⁴⁷ Eegi Sauloni hayyu Israeli tahe, inni nyaapa isaa ka fulla ch'ufa jiruni woli had'e worra Moabuti, ka Amoniti, ka Edomuti, hayyoota Sobati, ammalle worra Filisti. Fulla had'efu ch'ufa inni indabsate.

⁴⁸ Inni aka d'iira had'e worra Amalekile dabsate. Ammalle inni worra Israeli had'iisa nyaapa ch'ufa jalaa baase.

⁴⁹ Ilmaani Saulo ta d'iira tana sadeeni Yonathani, Ishri ammalle Malkishua. Intalti isaa ta angafa maqaani Merabu, maand'itile maqaani Mikali.

⁵⁰ Niiti isaa maqaani Ahinoamu, ta dubra Ahimaasi; guddaani askarti isaa oboleesa isaa Abineri, ka abbaani isaa Neri, oboleesa abba Saulo.

⁵¹ Abbaani Saulo Kishifi abbaani Abineri, Nerini ilmaani Abieli.

⁵² Sauloni haga jiru ch'ufa worra Filistitini wolhad'ani. Tanaafi hojja inni nama jaba yokhaani janna argu ch'ufa askarti ufiiti dara.