SOOLLA 47 - Boy Lonana

Lona ni mulna vi suu Israelna u suu hu duliyarana halaŋ

¹ Soolla vi sa ma fok suu gi soollana, soolla vi goryoŋ Korena.

² Suuna koogi kogiya, ŋgaagi Lona u furira.

³ Kay Yawe ay kolo day ni dlam ŋgolo, nammi mul ŋgolna kay yam ndaŋgara halaŋ.

⁴ Nam cukuygi suuna halaŋ uygi gaa, njaf suuna halaŋ ki kaŋga u seygiya.

⁵ Nam manaygi mbas maygira kiyo, njaf ma vi Yakob ma nam minimma.

⁶ Lona kak kolo kay dlam mamba mulla, suu mamsina ka bu diffa geleɗemba.

⁷ Geleɗegi Lona, geleɗemu! Geleɗegi mul maygina, geleɗemu!

⁸ Kay mul ma kay ndaŋgara halaŋŋa ni Lona, gagi soolla takam kiyo.

⁹ Lona ti mulla kay njaf suuna halaŋ, Lona kak kay dlam mamba teteɗta.

¹⁰ Goryoŋ mulinana halaŋ tok tasiya, ni suu may suu vi Loŋ Abrahamma. Mbari ma kay ndaŋgarana halaŋŋi vi Lona, nammi sa ma ka kolo kay yam tlena belna.