SOOLLA 26 - Boy Lonana

Cenda vi sa ma li va co kaɗina

¹ Soolla vi David. Mbuɗun ɗegee Yawe, kay poy manda fokoŋ ɗegee, an tin saa manda ni kay Yawe, ka hoŋ daganɗi.

² Tukunu, Yawe, golon u tuk maŋga, golon saa manda u dlara ka hurun kurufura halaŋ.

³ Jivi maŋga ka fokon hu buuna tew tew, an ka tuɗ ni hu gasi maŋga.

⁴ An ka taɓ vunun u suu kaboynaɗi, an ka kal vi suu hurusi mba mbanaɗi.

⁵ Dukumi ki ni gaŋawna u suu li dla cora, an ka kak duk suu li coraɗi.

⁶ Yawe, an mbus kon ki wa, kay tak ki ana an li co kaɗi. An ŋguy kay givin ma togolla maŋŋa a ŋgaaŋŋi aŋu.

⁷ An gi soolla gi deɓpa, an tak ki kay dlaaŋga ndandalla.

⁸ Yawe, an minni zi ma aŋ ka huna, u li ma bibiŋil maŋga ka huna.

⁹ Taɓan dlaanda u suu li dla coraɗi, baan ki u suu ci maɗna dewɗi.

¹⁰ Kosi ki ɓalaki u dla cora, duk kosi oyra u warak ma bay umma.

¹¹ Poy manda ni ɗegee, buɗun ki u oo maŋga.

¹² Sen ki coli kolo kay li ma eŋŋa. Hu tokka vi suu vinara ni an gi ni soolla ŋga Yawera.