SOOLLA 23 - Boy LonanaYawe ni sa ma golonna 1 Soolla vi David. Yawe ni sa ma golonna, tlesuu an hin bay fasi kaɗi. 2 Nam koɗon duk haɗ ma ŋgolomma, nam koɗon ha kay yo ma ɗilina. 3 Nam hoɓon iiri manda. Nam koɗon hu voɗta ɗegeera kay semu. 4 Lini an tuɗ tok eg li ma miɗna lay, an ka li ndaa va dewɗi, kay aŋ ka u anu. Balaf maŋŋa u tokolo maŋga ɗoɓon irinu. 5 Aŋ tinin tina fokon ii suu man suu gonokka. Aŋ voon mbulna kanu, ŋgot manda cira sulul ki sululiya. 6 Jivira u oora tuɗ un hu buuna tew tew, ta ta miɗ manna, an hin kakŋi hu zii vi Yawena a fafaɗta. |
Bible Moussey © Bible Society of Chad, 2002.
Bible Society of Chad