SOOLLA 129 - Boy Lonana

Cenda kay babali suu vi uu Israelna

¹ Soolla suu tuɗ luu ma vi Lonna gaɗta. Asi duurun ay ni u zoŋ tan day ta ta cemi, Suu Israelna di na.

² Ay u zoŋ tan day ni tew tew asi ka duu u anu, na may asi ka ndak a su kanɗi.

³ Asi kaan ŋgoron ki mbilna cocoo, ŋgoron mbuɗ ni ko sene masi ma horokŋa na.

⁴ Yawe ni sa ma ɗegeena, nam ja zew ma vi suu bay ɗegeena ki wa.

⁵ Ko suu babali mansina mbuɗ zolona suu may suu kaboyna eg Siyonna halaŋ mbuɗ zolona.

⁶ Ko asi mbuɗ ki ko usu ma day kolo kay yam gulumunara na, nam so ki ni bay wulla.

⁷ Sa ma tuɗ a feɗ senena ka fi va ay kom huɗi, sa ma tuɗ a yowra ka fi va ayɗi lay.

⁸ Suu jak hu voɗtana ka di ana, «Yawe paɗ vunum ki kagi wa,» naɗi. Ami gaŋ deɓ u sem Yawe.