Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

SOOLLA 127 - Boy Lonana


Gi deɓpa kay jivira vi Lonara

1 Soolla suu tuɗ luu ma vi Lonna gaɗta, vi Salomon. Lini Yawe min zina kaɗi ni, suu min zina loɓ tasi a sunda ki ni ɦawaa. Lini Yawe ka juɓ u ɦoŋzinaɗi, suu juɓ u zina buu tasi bay senna ni ɦawaa.

2 Agi loɓ tagi col kolo maɗi zak, li sunda ka koɗ tagiɗi lay, ti funa ni u zamalla coco lay. Na may nam ka ɦal ŋgol maŋ saam ma ka buuri kalafi sennana ni na lay.

3 Na daŋ may, gorra ɦaysina ni Yawe, vuɗta ay vuɗi gorra ni warak ma nam ɦayna hu zinana.

4 Ko ɓagi ma ka ko sa ma duuna na, gor suu sana vuɗusi u zoŋ tamma ni na may.

5 Furira ka kay sa ma kul mamma oy u asinana. Nam ka mbuɗ zolo fun dlaambaɗi, nam ŋgaf suu babali mamsina, asi ka su kambi lay.

Bible Moussey © Bible Society of Chad, 2002.

Bible Society of Chad
ကြှနျုပျတို့နောကျလိုကျပါ:



ကြော်ငြာတွေ