SOOLLA 100 - Boy Lonana

Soolla Gi deɓpa

¹ Soolla gi deɓpa. Agi suu kay ndaŋgarana halaŋ ŋgaagi Yawe,

² sunugi Yawe u furira, cukugi kalafi fokom u ayra.

³ Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

⁴ Selegi hu vun grek mamma u gi deɓpa, huu ziimma u ŋgara ŋgaamba, ŋgaagina, gam deɓpa.

⁵ Kay Yawe nam jiviya, ɗegee mamba ka ni tew tew, gasi mamba ka din din a fafaɗta.