JOB 26 - Boy Lonana

Job Boy ma Job dam a tleeŋerana

¹ Job hoŋ dira di ana,

² Aŋ wi yal ma suɗ sa ma saɓakam kaɗina. Aŋ njun sa ma kom ki loɓina lay.

³ Aŋ ka gaɗ sa ma yal mamma kaɗina lay, ka tak yal dlara lira maŋ sana.

⁴ Maŋ gegelay ma boy maŋŋa a njaɗ egemma, dla ndaɗta wanni aŋ min a daɗ ni maŋ gege?

Saɓak Lona ma um ka doɗina

⁵ Suu miɗi suu ga u mbo ŋgolna dayna ka dlak cocoo. Mbo ŋgolna u tlesuu dukumma dlak lay.

⁶ Lin vi suu miɗina ki ni fokom kiɗik ɦawaa. Li ma ndufun cocona ka irim ŋgayɗi lay.

⁷ Nam tin li mbayawna kolo kay li ma va ka huɗina. Nam vi duliyara kolo ni bay va ga uɗ lay.

⁸ Nam vi mbo lona ha kolo kay ɗugulla. Ndaɗ ka ɓaɗam ay ki gaɗi lay.

⁹ Nam ŋgay dlam mamba mulla ki ii suuna halaŋ kay nam kuluɓ ɗugulla ki kaɗu.

¹⁰ Nam ɓorow duk ɦoŋ kiɗikka ki u ndufunda, ŋguy daamma ki kay mbo lum ŋgolna.

¹¹ Li ma huulona coli kamma nam bayam wa ni nam dlaka, kay nam lam ndaaram cocoo.

¹² Saɓak ma vi Lonna su ki kay mbo lum ma ŋgolna. Yal mamma su ki kay fulna Rahab.

¹³ Musukum tok huulona ki kiɗik kiɗik. Kom ci guy ŋgol ma pii ay kina kiyo.

¹⁴ Halaŋ ca ni gor sun mamba gorira ɦawa tuwa. Ay wi ni na nde nde ɦawaa. Sa ma ndak a hum u dlaamba ŋgol cocorana ni gege?